Menningar- og nýsköpunarnefnd, fundur 25

Þessi fundargerð á öðrum fundum

• 18. maí 2020 Bæjarráð, fundur 664 liður 31

  Fundargerð menningar- og nýsköpunarnefndar, nr. 25 frá 11.maí 2020, lögð fram til umfjöllunar.

• 28. maí 2020 Bæjarstjórn, fundur 292 liður 11

  Til máls tók Jón Björn Hákonarson.

  Fundargerð menningar- og nýsköpunarnefndar frá 11. maí sl. staðfest með 9 atkvæðum.

Dagskrá

1. 1. Menningarverkefni - QueerNes

   Mál 2005028 Allur ferill málsins

   Framlagt erindi Hafsteins Hafsteinssonar og Hákons Guðröðarsonar fyrir hönd verkefnisins QueerNes. Lögð fram skýrsla til kynningar á verkefninu, framgangi þess og næstu skrefum. Hákon sat fundinn í gegnum fjarfundabúnað og kynnti verkefnið. Menningar- og nýsköpunarnefnd þakkar kynningu og vísar málinu til skoðunar hjá forstöðumanni menningarstofu og bæjarritara.

2. 2. Starfs- og fjárhagsáætlun menningar- og nýsköpunarnefndar 2021

   Mál 2005019 Allur ferill málsins

   Framlagðar til kynningar reglur um vinnu við fjárhagsáætlun Fjarðabyggðar 2021 - 2024. Umræða um vinnslu fjárhagsáætlunar. Reglurnar verða lagðar fram í bæjarstjórn 28. maí nk. Fundir með formönnum nefnda og sviðsstjórum er áætlaðir í þessari viku en umræður og vinnsla tillagna að fjárhagsáætlun 2021 í nefndum og hjá sviðsstjórum á að vera lokið 10.júní. Vísað til áframhaldandi vinnslu í nefndinni og tekið fyrir á fundi 25. maí nk.

3. 3. Nýsköpun og atvinnuþróun

   Mál 2002099 Allur ferill málsins

   Atvinnu- og þróunarstjóri sat þennan lið fundarins og fór yfir störf starfshóps um málefni nýsköpunar og atvinnuþróunar í sveitarfélaginu en hópinn skipa Ari Allansson, Lilja Guðný Jóhannesdóttir og Valgeir Ægir Ingólfsson sem jafnframt er formaður hópsins. Menningar- og nýsköpunarnefnd leggur til við bæjarráð að óskað verði eftir fundi með ráðherra nýsköpunarmála til að ræða tækifæri til nýsköpunar í sveitarfélaginu og aðkomu ríkisins að eflingu slíkra tækifæra.

4. 4. Gamla sýningarvélin og önnur tæki í Valhöll Eskifirði

   Mál 1911122 Allur ferill málsins

   Erindi Vina Valhallar er varðar gamla sýningarvél og magnara sem staðsett eru í Félagsheimilinu Valhöll. Lagt fram minnisblað forstöðumanns menningarstofu um afgreiðslu málsins. Menningar- og nýsköpunarnefnd felur forstöðumanni menningarstofu að ganga frá formlegu samþykki við Kvikmyndasafn Íslands vegna sýningarvélarinnar.

5. 5. Markaðsátak og sýnileiki 2020

   Mál 2005044 Allur ferill málsins

   Lagt fram til kynningar minnisblað upplýsingafulltrúa og birtingaráætlun vegna markaðsátaks sumarið 2020. Bæjarráð hefur samþykkt tillögur í minnisblaði.