Landbúnaðarnefnd, fundur 23

Þessi fundargerð á öðrum fundum

• 29. apríl 2019 Bæjarráð, fundur 611 liður 22

  Framlögð fundargerð landbúnaðarnefndar frá 24. apríl sl til umfjöllunar.

• 6. maí 2019 Eigna-, skipulags- og umhverfisnefnd, fundur 232 liður 22

  Samþykkt

Dagskrá

1. 1. 766.mál til umsagnar frumvarp til laga um dýrasjúkdóma o.fl. (innflutningur búfjárafurða)

   Mál 1904037 Allur ferill málsins

   Eigna-, skipulags- og umhverfisnefnd vísaði erindi Alþingis, innsent með tölvupósti frá nefndarsviði Alþingis, dagsett 4. Apríl 2019, til landbúnaðarnefndar þar sem óskað er eftir umsögn um frumvarp til laga um dýrasjúkdóma o.fl.(innflutningur búfjárafurða).

   Landbúnaðarnefnd Fjarðabyggðar hafnar alfarið innflutningi á hráu kjöti, eggjum og ógerilsneyddum mjólkurvörum. Með samþykkt þessa frumvarps sem liggur fyrir Alþingi Íslendinga væri ekki aðeins verið að bæta við þá efnahagslegu ógn sem íslenskur landbúnaður stendur frammi fyrir heldur væri einnig verið að skapa nýja og mjög umtalsverða ógn bæði við heilbrigði manna og dýra á Íslandi.

   Ef fyrirliggjandi frumvarp verður að lögum markar það ákveðin tímamót í umhverfi landbúnaðarins og því verður að leggja áherslu á að gerðar verði sömu kröfur til innlendrar og erlendar framleiðslu með tilliti til aðbúnaðar dýra og notkunar á sýklayfjum.