Fræðslunefnd, fundur 98

Þessi fundargerð á öðrum fundum

• 17. maí 2021 Bæjarráð, fundur 711 liður 25

  Fundargerð fræðslunefndar frá 11.maí lögð fram til afgreiðslu.

• 20. maí 2021 Bæjarstjórn, fundur 313 liður 4

  Til máls tóku: Magni Þór Harðarson, Jón Björn Hákonarson, Eydís Ásbjörnsdóttir.

  Fundargerð fræðslunefndar frá 12. maí staðfest með 9 atkvæðum.

Dagskrá

1. 1. Almenningssamgöngur í Fjarðabyggð

   Mál 1904072 Allur ferill málsins

   Lögð voru fram til kynningar drög að skýrslu Verkfræðistofunnar Eflu um almenningssamgöngur í Fjarðabyggð. Fræðlustjóri greindi frá viðræðum milli Verkmenntaskóla Austurlands og grunnskólanna um verklega kennslu elstu nemenda grunnskólanna, sem bættar samgöngur myndu auðvelda til muna. Fræðslunefnd fagnar tilkomu skýrslunnar og þeirri vinnu sem er í gangi milli skólanna.

2. 2. 716.mál - Frumvarp til laga um grunnskóla og framhaldsskóla (fagráð eineltismála)

   Mál 2104076 Allur ferill málsins

   Lagt er fram til kynningar frá Allsherjar- og menntamálanefnd Alþingis frumvarp til laga um grunnskóla og framhaldsskóla (fagráð eineltismála), 716. mál.

3. 3. 715.mál - Frumvarp til laga um breytingu á ýmsum lögum á málefnasviði mennta- og menningarmála (öflun sakavottorðs)

   Mál 2104077 Allur ferill málsins

   Lagt er fram til kynningar frá Allsherjar- og menntamálanefnd Alþingis frumvarp til laga um breytingu á ýmsum lögum á málefnasviði mennta- og menningarmála (öflun sakavottorðs), 715. mál.

4. 4. Grænfánaverkefni

   Mál 2105061 Allur ferill málsins

   Fyrir liggur bréf frá Landvernd Skólar á grænni grein - framúrskarandi menntaverkefni í átt að aukinni sjálfbærni. Tilgangur bréfsins er að vekja athygli á verkefninu Skólar á grænni grein (Grænfánaverkefnið) sem rekið er af Landvernd hér á landi og um 200 skólar á öllum skólastigum taka þátt í. Um er að ræða alþjóðlegt menntaverkefni fyrir skóla sem vilja virkja og valdefla nemendur til góðra verka í sjálfbærni- og umhverfismálum. Verkefnið er rekið alþjóðlega af samtökunum Foundation for Environmental Education(FEE) og taka um 50 milljónir nemenda í 68 löndum þátt. Fræðslustjóri greindi frá því að í öllum skólum Fjarðabyggðar væri unnið að ýmsum sjálfbærniverkefnum, m.a. fyrrgreindu verkefni. Lagt fram til kynningar.

5. 5. Endurmenntunarsjóður grunnskóla 2021-2022

   Mál 2104123 Allur ferill málsins

   Endurmenntunarsjóður grunnskóla hefur úthlutað styrkjum fyrir skólaárið 2021 - 2022. Fjölskyldusvið Fjarðabyggðar fékk 720.000 kr. styrk til þriggja verkefna, forritunarkennslu, uppeldi til ábyrgðar og bætt samskipti. Lagt fram til kynningar.

6. 6. Samstarfssamningur milli Fjarðabyggðar og Krabbameinsfélags Austfjarða.

   Mál 2104127 Allur ferill málsins

   Fyrir liggja drög að samstarfssamningi milli Fjarðabyggðar og Krabbameinsfélags Austfjarða. Samstarfið byggir á fræðslu og ráðgjöf til nemenda, starfsfólks og foreldra. Fræðslunefnd lýsir ánægju með drögin og fagnar fyrirhuguðu samstarfi sveitarfélagsins við félagið.

7. 7. Ársskýrsla fjölskyldusviðs 2020

   Mál 2103215 Allur ferill málsins

   Fræðslustjóri kynnti drög að texta um fræðslumál í væntanlegri ársskýrslu fjölskyldusviðs fyrir árið 2020. Lagt fram til kynningar.

8. 8. Niðurstöður úr Skólavoginni

   Mál 1311034 Allur ferill málsins

   Lagðar eru fram til kynningar niðurstöður úr Skólavoginni, nemendakönnun í 6.-10. bekk grunnskólanna skólaárið 2020-2021 og samræmd könnunarpróf í 4. og 7. bekk grunnskóla haustið 2020. Fræðslustjóri greindi frá því hvernig unnið væri í skólunum með niðurstöðurnar en þær eru hluti af innra mati skólans.

9. 9. Starfs- og fjárhagsáætlun fræðslunefndar 2022

   Mál 2104131 Allur ferill málsins

   Fyrir liggja drög að minnisblaði vegna starfs- og fjárhagsáætlunar í fræðslumálum fyrir árið 2022. Farið var yfir þróun nemendafjölda í leik-, grunn- og tónlistarskólum og áherslur í fræðslu- og frístundastefnu og fjölskyldustefnu Fjarðabyggðar. Frekari umræðu frestað til næsta fundar.