Fræðslunefnd, fundur 86
8. júlí 2020, kl. 16:30 til 18:30, í fjarfundi vegna COVID19. Fundargerð ritaði Þóroddur Helgason.
Fundarmenn samkvæmt fundargerð (10)
Fundinn sátu
- Einar Már Sigurðarson, formaður
- Birta Sæmundsdóttir, aðalmaður
- Sævar Örn Arngrímsson, aðalmaður
- Jóhanna Sigfúsdóttir, aðalmaður
- Þuríður Lillý Sigurðardóttir, aðalmaður
- Alma Sigurbjörnsdóttir, áheyrnarfulltrúi
Starfsmenn
- Þóroddur Helgason, embættismaður
- Ásta Ásgeirsdóttir, áheyrnarfulltrúi
- Gerður Ósk Oddsdóttir, áheyrnarfulltrúi
- Laufey Þórðardóttir, embættismaður
Þessi fundargerð á öðrum fundum
Bæjarráð, fundur 671 liður 13
Fundargerð fræðslunefndar frá 8. júlí lögð fram til afgreiðslu.
Bæjarráð samþykkir í umboði bæjarstjórnar samþykktina.
Dagskrá
-
1. Sundlaug Íþróttamiðstöðvar Reyðarfjarðar
Mál 1908022 Allur ferill málsins
Fræðslunefnd mælir með við bæjarráð að farið verði í að dúkleggja sundlaugina á Reyðarfirði á vorönn 2021 og kennt sund það vorið í lauginni, íþróttakennsla væri þá leyst með öðrum hætti að vor og hausti 2021 eða þar til nýtt íþróttahús á Reyðarfirði verður komið í gagnið. Eftir samráð við fræðslustjóra og skólastjóra Grunnskóla Reyðarfjarðar leggur fræðslunefnd til að ekið verði með nemendur í sund á Eskifjörð á haustönn 2020 fram að miðjum nóvember og síðan aftur tekið til við sundkennslu í dúklagðri laug seinni hluta aprílmánaðar 2021.
-
2. Uppbygging íþróttahúss á Reyðarfirði
Mál 2004112 Allur ferill málsins
Vísað til umsagnar í fræðslunefnd fundargerð 4. fundar starfshóps um nýtt íþróttahús á Reyðarfirði. Fræðslunefnd líst vel á framkomnar hugmyndir og leggur áherslu á að farið verði í framkvæmdir sem fyrst þannig að hægt verði að nýta húsið fyrir íþróttakennslu á haustönn 2021.
-
3. Örútboð á ritföngum 2020
Mál 2006075 Allur ferill málsins
Í júní fór fram örútboð á ritföngum fyrir grunnskólana í Fjarðabyggð. Tvö fyrirtæki sendu inn tilboð. Tekið var lægra tilboðinu sem kom frá fyrirtækinu A4-Egilsson ehf., en það hljóðaði upp á 1.331.234 kr. Lagt fram til kynningar.
-
4. Tölvur í skólum Fjarðabyggðar
Mál 2005112 Allur ferill málsins
Örútboð vegna kaupa á tölvubúnaði, 110 vélum, fyrir skóla í Fjarðabyggð var sent út 19. júní og frestur til að skila inn tilboðum er til dagsins í dag, 8. júní. Farið verður yfir innsend tilboð á næstu dögum.
-
5. Umhverfisstefna Fjarðabyggðar
Mál 1704067 Allur ferill málsins
Eigna-, skipulags- og umhverfisnefnd vísar drögum að umhverfisstefnu Fjarðabyggðar 2018-2022 til umfjöllunar í fræðslunefnd. Anna Berg Samúelsdóttir, umhverfisstjóri, kynnti drög að umhverfisstefnu Fjarðabyggðar. Fræðslunefnd þakkar umhverfisstjóra fyrir góða kynningu. Málinu frestað til næsta fundar nefndarinnar.
-
6. Stjórnarfundur Skólaskrifstofu Austurlands
Mál 2007038 Allur ferill málsins
Fyrir liggur fundargerð frá stjórnarfundi Skólaskrifstofu Austurlands sem haldinn var 29. júní 2020. Fundargerðin lögð fram til kynningar.