Fræðslunefnd, fundur 79

Þessi fundargerð á öðrum fundum

• 3. febrúar 2020 Bæjarráð, fundur 649 liður 14

  Fundargerð fræðslunefndar frá 29. janúar sl. lögð fram til afgreiðslu.

• 6. febrúar 2020 Bæjarstjórn, fundur 285 liður 2

  Enginn tók til máls.

  Fundargerð fræðslunefndar frá 29. janúar sl. staðfest með 9 atkvæðum.

Dagskrá

1. 1. Starfsáætlanir og skólanámskrár skólaárið 2019-2020

   Mál 1912168 Allur ferill málsins

   Fyrir liggja starfsáætlanir og skólanámskrár Breiðdals- og Stöðvarfjarðarskóla, leikskólans Kærabæjar, Grunnskóla Reyðarfjarðar og Grunnskóla Fáskrúðsfjarðar fyrir skólaárið 2019-2020. Skólastjórar skólanna kynntu áætlanirnar og svöruðu spurningum nefndarfólks. Fræðslunefnd samþykkir fyrirliggjandi starfsáætlanir og skólanámskrár og þakkar skólastjórum fyrir greinargóð svör.

2. 2. Reglur um launað námsleyfi í leikskólum

   Mál 2001016 Allur ferill málsins

   Um leið og fræðslunefnd Fjarðabyggðar fagnar nýsamþykktum reglum óskar hún eftir því við bæjarstjórn að gerð verði breyting á 1. málsgrein þannig að í lok málsgreinarinnar bætist við c liður þar sem standi: c)Stunda eða eru að hefja nám í þroskaþjálfafræði eða öðru því háskólanámi sem nýtist með beinum hætti í leikskólastarfi.

3. 3. Snjalltækjavæðing og reglur um snjalltæki í grunnskólum Fjarðabyggðar

   Mál 1806053 Allur ferill málsins

   Í febrúar 2019 voru settar nýjar reglur um um notkun snjalltækja í grunnskólum Fjarðabyggðar. Samhliða setningu þeirra voru grunnskólarnir snjalltækjavæddir, þannig að hver skóli fékk jafnmargar Chromebook vélar/i-padda og nemendur skólans voru og netsamband var bætt til að tryggja nemendum og kennurum betra og nútímalegra námsumhverfi.

   Í reglunum kemur fram að endurskoða skuli þær í janúar 2020. Til þess að auðvelda ákvarðanatöku fól fræðslunefnd fræðslustjóra að leggja fyrir þrjár viðhorfskannanir, eina fyrir nemendur í 6. - 10. bekk grunnskóla, aðra fyrir foreldra þeirra og þriðju fyrir starfsmenn grunnskóla.

   Fræðslustjóri lagði könnunina fyrir nemendur grunnskólanna í Fjarðabyggð fyrri hluta janúarmánaðar og á sama tíma var könnun send á starfsfólk og foreldra nemenda í 6. - 10. bekk. Samantekt á heildarniðurstöðum úr viðhorfskönnununum eru settar fram í skýrslu sem liggur fyrir fundinum. Í skýrslunni kemur m.a. fram í samantekt að bæði foreldrar og starfsmenn eru almennt ánægðir með reglurnar og áhrif þeirra. Nemendur eru frekar ánægðir með hvaða áhrif reglurnar hafa haft á samskiptin í skólunum, tæpur helmingur þeirra finnst reglurnar hafa haft lítil áhrif á einbeitingu og líðan meðan ca. fjórðungur telja áhrifin jákvæð og fjórðungur neikvæð, og um þriðjungur nemenda er alveg sama um nýjar reglur á meðan fjöldi þeirra sem eru neikvæðir út í þær eru helmingi fleiri en þeir sem eru jákvæðir. Fræðslunefnd þakkar fyrir skýrsluna. Nefndin telur að þær forsendur sem lágu að baki setningu reglnanna hafi ekki breyst og að niðurstöður viðhorfskannananna bendi til þess að skynsamlegast sé að hafa reglurnar óbreyttar.

4. 4. Skóladagatöl 2020-2021

   Mál 2001195 Allur ferill málsins

   Fyrir liggur minnisblað um sameiginlega skólabyrjun grunnskólanna og sameiginlegan leyfisdag leik-, grunn- og tónlistarskóla skólaárið 2020-2021. Í minnisblaðinu er lagt til að höfðu samráði við skólastjórnendur að skólasetning grunnskólanna í Fjarðabyggð verði 20. ágúst og sameiginlegur leyfisdagur (starfsdagur/skipulagsdagur) 4. janúar 2021. Fræðslunefnd samþykkir áður nefndar dagsetningar.

5. 5. Endurskoðun Aðalskipulags Fjarðabyggðar 2007-2027

   Mál 1810136 Allur ferill málsins

   Hjá sveitarfélaginu er nú unnið að endurskoðun á Aðalskipulagi Fjarðabyggðar 2007-2027. Fyrir liggur tillaga sviðsstjóra umhverfis- og skipulagssviðs um að leitað verði eftir ábendingum frá öðrum nefndum í stjórnkerfi Fjarðabyggðar um viðfangsefni sem ástæða er til að skoða við gerð lýsingar aðalskipulagsins. Eigna-, skipulags- og umhverfisnefnd samþykkti að leita eftir afstöðu bæjarráðs, fræðslunefndar, félagsmálanefndar, íþrótta- og tómstundanefndar, menningar- og nýsköpunarnefndar og hafnarstjórnar. Fræðslunefnd felur fræðslustjóra og sviðsstjóra fjölskyldusviðs að koma með ábendingar er varða fræðslu- og menntamál.