Fræðslunefnd, fundur 70

Þessi fundargerð á öðrum fundum

• 3. júní 2019 Bæjarráð, fundur 617 liður 10

  Fundargerð fræðslunefndar, nr. 70 frá 28.maí 2019, lögð fram til umfjöllunar.

Dagskrá

1. 1. Stefnumörkun í fræðslu- og frístundamálum í Fjarðabyggð

   Mál 1808078 Allur ferill málsins

   Þessi dagskrárliður var tekinn fyrir á sameiginlegum fundi fræðslunefndar og íþrótta- og tómstundanefndar. Farið var yfir fyrirliggjandi drög að endurskoðaðri fræðslu- og frístundastefnu Fjarðabyggðar, sem starfshópur sem sér um endurskoðunina hefur skilað af sér. Fyrir liggur að halda kynningarfund í Fjarðabyggð þar sem íbúum gefst kostur á að fjalla um stefnuna. Einnig verður stefnan tekin fyrir í nefndum og hjá ungmennaráði áður en hún fer til bæjarráðs og bæjarstjórnar til samþykktar. Fræðslunefnd samþykkir drögin.

2. 2. Tómstundir eldri borgara

   Mál 1905092 Allur ferill málsins

   Fyrir liggur minnisblað félagsmálastjóra sem vísað var til umfjöllunar í fræðslunefnd og varðar tómstundir aldraðra. Félagsmálastjóri leggur til í minnisblaðinu að þrjár nefndir fjölskyldusviðs athugi í kjölfar endurskoðunar fræðslu- og frístundastefnu hvort mögulegt væri að ráða til starfa tómstundafræðing sem væri faglegur ráðgjafi eldri borgara í

   tómstundamálum að hluta til en myndi að öðru leyti sinna málefnum yngri aldurshópa samkvæmt áherslum fræðslunefndar og íþrótta- og tómstundanefndar. Fræðslunefnd vísar málinu til þeirrar umræðu sem nú fer fram um endurskoðun fræðslu- og frístundastefnu Fjarðabyggðar og áherslur árin 2020-2022.

3. 3. Starfs- og fjárhagsáætlun fræðslunefndar 2020

   Mál 1904133 Allur ferill málsins

   Farið var yfir áherslur í starfs- og fjárhagsáætlun í fræðslumálum fyrir árið 2020, frekari umræðu frestað til næsta fundar.