Fræðslunefnd, fundur 63

Þessi fundargerð á öðrum fundum

• 14. nóvember 2018 Bæjarstjórn, fundur 257 liður 3

  Enginn tók til máls.

  Fundargerð fræðslunefndar, nr. 63 frá 6.nóvember 2018, samþykkt með 9 atkvæðum.

Dagskrá

1. 1. Starfsáætlanir og skólanámskrár leikskóla

   Mál 1810149 Allur ferill málsins

   Skólastjórar Breiðdals- og Stöðvarfjarðarskóla og Grunnskóla Reyðarfjarðar gerðu grein fyrir starfsáætlunum skólanna fyrir skólaárið 2018-2019 og svöruðu spurningum nefndarfólks um þær sem og skólanámskrár skólanna. Fræðslunefnd samþykkir fyrirliggjandi starfsáætlanir og skólanámskrár skólanna og þakkar skólastjórum fyrir greinargóðar upplýsingar.

2. 2. Læsisstefna Fjarðabyggðar

   Mál 1803047 Allur ferill málsins

   Til umræðu var gerð læsisstefnu fyrir Fjarðabyggð. Starfshópur um gerð læsisstefnu, sem skipaður er forstöðumanni og kennsluráðgjöfum Skólaskrifstofu Austurlands, fulltrúum leik- og grunnskóla ásamt fræðslustjóra hefur lagt til að læsisstefnan Lykill að læsi verði tekin upp sem læsisstefna Fjarðabyggðar. Læsisstefnan er afrakstur þriggja ára þróunarverkefnis skóla á Eyjafjarðarsvæðinu, Miðstöðvar skólaþróunar HA og fræðslusviðs Akureyrarbæjar. Góðfúslegt leyfi hefur fengist frá Akureyrarbæ og Miðstöð skólaþróunar HA að nýta stefnuna sem læsisstefnu Fjarðabyggðar og bæta í hana merki Fjarðabyggðar. Skólarnir í Fjarðabyggð og kennsluráðgjafar Skólaskrifstofu Austurlands hafa verið í miklu samstarfi við Miðstöð skólaþróunar í þróunarverkefninu bættur námsárangur í læsi og stærðfærði og læsisstefnan Lykill að læsi fellur vel að því verkefni. Fræðslunefnd tekur vel í tillöguna og felur fræðslustjóra að kalla saman starfshópinn til að móta tillögu að því hvernig stefnan verði kynnt og henni framfylgt. Málinu frestað til næsta fundar.

3. 3. Talþjálfun barna í skólum Fjarðabyggðar

   Mál 1809053 Allur ferill málsins

   Fyrir liggur svar fyrirtækisins Tröppu við fyrirspurn fræðslunefndar um umsýslu- og framkvæmdagjald. Um er að ræða gjald fyrir talmeinaþjónustu sem Trappa hefur annast fyrir SÍ, Sjúkratryggingar Íslands, í skólum Fjarðabyggðar. Fræðslunefnd felur fræðslustjóra að ganga til samninga við Tröppu, en jafnframt verði leitast við að fá Sjúkratryggingar Íslands til að annast að fullu greiðslu fyrir þjónustuna

4. 4. Starfs- og fjárhagsáætlun fræðslunefndar 2019

   Mál 1809012 Allur ferill málsins

   Til umræðu var starfsáætlun í fræðslumálum, þar sem m.a. var rætt um styttingu vinnuvikunnar. Fyrir liggur minnisblað um styttingu vinnuvikunnar án launaskerðingar frá bæjarritara Fjarðabyggðar og skýrsla Reykjavíkurborgar um styttingu vinnuvikunnar 04.2018. Á fundi bæjarráðs 5. nóvember var málið tekið fyrir og eftirfarandi bókað. Bæjarstjóra og bæjarritara falið að útfæra verkefnið nánar og leggja fyrir bæjarráð að nýju. Fræðslunefnd mun fylgist með framgöngu málsins.