Eigna-, skipulags- og umhverfisnefnd, fundur 99

Þessi fundargerð á öðrum fundum

• 1. september 2014 Bæjarráð, fundur 394 liður 13

  Fundargerð eigna- skipulags- og umhverfisnefndar, nr. 99 frá 25.ágúst 2014, lögð fram til kynningar.

• 4. september 2014 Bæjarstjórn, fundur 161 liður 2

  Til máls tóku Eiður Ragnarsson, Einar Már Sigurðarson, Jón Björn Hákonarson og Páll Björgvin Guðmundsson.

  Fundargerð eigna- skipulags- og umhverfisnefndar, nr. 99 frá 25.ágúst 2014, samþykkt með 9 atkvæðum.

Dagskrá

1. 1. 100 ára afmæli kosningaréttar kvenna 2015

   Mál 1408022 Allur ferill málsins

   Lagður fram til kynningar tölvupóstur Ástu Ragnheiðar Jóannesdóttur framkvæmdarstjóra 100 ára kostningarrétts kvenna dagsettur 5. ágúst 2014.

   Sveitarfélög, söfn og stofnanir í landinu eru hvött til að minnast þeirra mikilvægu réttinda sem kosningarétturinn er og 100 ára afmælisins 2015, með sýningum, málþingum, fyrirlestrum og öðrum viðburðum.

2. 2. 730 - br. á Aðalskipulagi Fjarðabyggðar 2007-2027 vegna br. á landnotkun við Eyri í Reyðarfirði

   Mál 1401245 Allur ferill málsins

   Nefndin frestar afgreiðslu til næsta fundar.

3. 3. 730 Hafnargata 5, byggingarleyfi, endurbætur

   Mál 1408094 Allur ferill málsins

   Lögð fram byggingarleyfisumsókn Jóns Ólafs Eiðssonar f.h. JDJ ehf dagsett 22. ágúst 2014,þar sem óskað er eftir heimild til að breyta innra skipulagi, fjölga útgönguleiðum og setja skilti á húsvegg Hafnargötu 5 á Reyðarfirði. Hönnuður er Trévangur ehf.

   Nefndin samþykkir bygginaráformin og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

4. 4. 740 - Grænanesbakkar - Golfklúbbur Norðfjarðar

   Mál 1407096 Allur ferill málsins

   Lögð fram byggingarleyfisumsókn Gunnars Ásgeirs Karlssonar f.h. Golfklúbbs Norðfjarðar dagsett 23. júlí 2014 þar sem óskað er eftir heimild til að byggja 69.8 m2 og 107,5 m3 geymslu og skýli yfir æfingasvæði klúbbsins að Grænanesbökkum.

   Nefndin samþykkir byggignaráform og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

5. 5. 740 - Nesgötu 3 - Breytt notkun

   Mál 1408074 Allur ferill málsins

   Lagt fram bréf/tölvupóstur Guðnýjar Þorfinnsdóttur dagsett 15. ágúst 2014 þar sem óskað er eftir að skráning á Nesgötu 3 verði breytt úr verslunarhúsnæði í íbúðarhúsnæði. Jafnframt er óskað eftir að stærð lóðarinnar verði endurskoðuð.

   Nesgata 3 er samkvæmt aðalskipulagi innan svæðis V3/A5 sem er blanda verslunar- og þjónustusvæðis og athafnasvæðis.

   Lagt fram minnisblað skipulags- og byggingarfulltrúa dagsett 25. ágúst 2014.

   Nefndin getur ekki fallist á breytta notkun Nesgötu 3 með tilvísun í Aðalskipulag Fjarðabyggðar 2007-2027.

6. 6. 740 Skuggahlíðarháls, byggingarleyfi, niðurrif húss

   Mál 1408095 Allur ferill málsins

   Lögð fram leyfisumsókn Freysteins Bjarnasonar umboðsmanns Tryggingarmiðstöðvarinnar hf. f.h. Herberts Benjamínssonar eiganda sumarhúss á lóð 9 í Skuggahlíðarhálsi í Norðfirði dagsett 22. ágúst 2014,þar sem óskað er eftir heimild til að rífa húsið sem er ónýtt eftir eldsvoða.

   Umboð eiganda liggur fyrir.

   Nefndin samþykkir umsóknina og felur skipulags- og byggingarfulltrúa að gefa út leyfi þegar öll tilskilin gögn liggja fyrir.

7. 7. Breytingar í Stöðvarfjarðarskóla

   Mál 1407075 Allur ferill málsins

   Lögð fram til kynningar samþykkt tillaga mannvirkjastjóra um forgangsröðun viðhaldsframkvæmda. Til að mæta 5 milljón kr. aukakostnaði vegna framkvæmda við Stöðvarfjarðarskóla hefur bæjarráð samþykkt tillögu í minnisblaði.

8. 8. Forkaupsréttur að húsi í Neskaupstað

   Mál 1407093 Allur ferill málsins

   Óskað hefur verið eftir afstöðu sveitarfélagsins til þess hvort Fjarðabyggð hyggist nýta sér forkaupsrétt að eigninni Egilsbraut 7 á Norðfirði, 0201 fastanúmer 216-9028.

   Bæjarráð er sammála um að Fjarðabyggð nýti ekki forkaupsréttinn. Jafnframt hefur bæjarráð óskað eftir afstöðu eigna- skipulags- og umhverfisnefndar til þess hvort eignin Egilsbraut 7 verði áfram á forkaupsréttarlista.

   Nefndin telur rétt að taka húsið af forkaupslista með tilliti til fram lagðra tillagna um deiliskipulag miðbæjar Norðfjarðar.

9. 9. Hugmynd að skipulagi við ytri Þverá Eskifirði

   Mál 1408056 Allur ferill málsins

   Lagt fram bréf með hugmyndum Kristins Þórs Jónassonar að framtíðar tjald-, afþreyingar- og útivistarsvæði inn í Dal á Eskifirði dagsett 22. júlí 2014. Svæðið sem um ræðir er utan við Ytri Þverá.

   Nefndin þakkar bréfritara sýndan áhuga á umhverfismálum Eskifjarðar en bendir á að umrætt svæði er skilgreint sem landbúnarðarsvæði samkvæmt Aðalskipulagi Fjarðabyggðar 2007-2027 og er innan grannsvæðis vatnsveitu Fjarðabyggðar á Eskifirði þar sem nýbyggingar eru ekki leyfðar. Nefndin tekur undir með bréfritara að núverandi tjaldsvæði sé of lítið og huga þurfi að úrbótum.

10. 10. Lausaganga stórgripa

    Mál 1403118 Allur ferill málsins

    Lögð fram til kynningar drög að samþykkt um bann við lausagöngu stórgripa í Fjarðabyggð.

    Nefndin vísar samþykktinni til umsagnar landbúnaðarnefndar.

11. 11. Nýting sjóvarma

    Mál 1408057 Allur ferill málsins

    Lagður fram tölvupóstur frá Varmalausnum ehf, dagsettur 18. júní 2014, varðandi vinnu fyrirtækisins við úttekt á tækifærum til að nýta sjóvarma í Norðfirði.

    Lagt fram minnisblað mannvirkjastjóra dagsett 24. ágúst 2014.

    Nefndin telur rétt að skoðuð verði hagkvæmni þess að setja upp og reka varmadælu til kyndingar fjarvarmaveitunnar á Norðfirði.

    Mannvirkjastjóra falið að vinna málið áfram.

12. 12. Sameiginleg markaðssetning skíðasvæðanna á Austurlandi

    Mál 1309129 Allur ferill málsins

    Lagt fram til kynningar bréf mennta- og menningarmálaráðuneytisins, dagsett 28.júlí 2014, er varðar skíðasvæðin í Oddsskarði og Stafdal en í bréfinu kemur fram að ráðuneytið getur ekki komið að uppbyggingu á svæðunum.

13. 13. Starfsleyfi fyrir Samskip að Hafnargötu 5

    Mál 1406159 Allur ferill málsins

    Lagt fram ódagsett bréf Ásmundar Ásmundssonar f.h. áhugahólps um betri miðbæ þar sem fyrirhugaðri vöruflutningamiðstöð í miðbæ Reyaðrfjarðar er mótmælt. Með bréfinu fylgja undirskriftarlistar um 200 íbúa þar sem þess er krafist að miðbær Reyðarfjarðar verði deiliskipulagður til samræmis við aðalskipulag og að bæjaryfirvöld komi í veg fyrir að vörufltningamiðstöð rísi að nýju að Hafnargötu 5.

    Nefndin samþykkir að hefja vinnu við breytingar á deiliskipulagi miðbæjar Reyðarfjarðar og deiliskipulag fiskihafnar Reyðarfjarðar til samræmis við aðalskipulag.

14. 14. Strandgata 95 - bílastæði

    Mál 1408037 Allur ferill málsins

    Lögð fram tillaga frá Agli Helga Árnasyni, dagsett 13. ágúst 2014, varðandi fjölgun bílastæða við Randulffssjóhús. Bréfritari býðst til að leggja til land undir bílastæði neðan Strandgötu 95 gegn því að Fjarðabyggð sjái um alla framkvæmdina.

    Nefndin þakkar bréfritara og felur mannvirkjastjóra að ræða við lóðarhafa og aðra hagsmunaaðila um heildarskipulag á svæðinu.