Eigna-, skipulags- og umhverfisnefnd, fundur 287

Þessi fundargerð á öðrum fundum

• 3. maí 2021 Bæjarráð, fundur 710 liður 8

  Fundargerð eigna- skipulags- og umhverfisnefndar nr. 287 lögð fram til umfjöllunar.

• 6. maí 2021 Bæjarstjórn, fundur 312 liður 6

  Fundargerðir eigna- skipulags- og umhverfisnefndar teknar til umfjöllunar og afgreiðslu saman.

  Fundargerð eigna- skipulags- og umhverfisnefndar frá 26. apríl sl. staðfest með 9 atkvæðum.

Dagskrá

1. 1. Vorbæklingur 2021

   Mál 2104036 Allur ferill málsins

   Lagt fram minnisblað umhverfisstjóra um vorbækling Fjarðabyggðar 2021, dagsett 21. apríl 2021. Lagt er til að vorbæklingurinn verði á rafrænu formi í anda umhverfis- og loftlagsstefnu Fjarðabyggðar. Stefnt er að útgáfu vorbæklingsins 12. maí næstkomandi.

   Eigna-, skipulags- og umhverfisnefnd felur umhverfisstjóra að vinna áfram að gerð vorbæklings í samræmi við umræðu á fundinum.

2. 2. Sauðfé í þéttbýli - úrræði

   Mál 2103192 Allur ferill málsins

   Lagt fram minnisblað umhverfisstjóra, dagsett 21. apríl 2021, um áætlaðan kostnað vegna uppsetningar aðhalda og mögulegar staðsetningar. Lagt er til að aðhald verði gert á Norðfirði, Eskifirði og Fáskrúðsfirði.

   Eigna-, skipulags- og umhverfisnefnd samþykkir gerð aðhalda í samræmi við minnisblað.

3. 3. Garðaúrgangur

   Mál 1609089 Allur ferill málsins

   Lagt fram uppfært minnisblað umhverfisstjóra, dagsett 7. desember 2020, um framtíðarsýn garðefnasvæða í Fjarðabyggð. Lagt er til að moltun garðaúrgangs verði ofan iðnaðar- og hafnarsvæðisins við Naustahvamm og við Kollaleiru fyrir Norðfjörð, Eskifjörð, Reyðarfjörð og Fáskrúðsfjörð. Garðaúrgangur sem til fellur á Stöðvarfirði og á Breiðdalsvík verði nýttur á staðnum.

   Eigna-, skipulags- og umhverfisnefnd samþykkir fyrirkomulag garðaefnasvæða í samræmi við minnisblað.

4. 4. Deiliskipulag Eskifjörður-Miðbær, breyting, Lambeyrarbraut, vistgata og ný lóð

   Mál 2101072 Allur ferill málsins

   Lagt fram erindi hluta íbúðaeiganda við Lambeyrarbraut á Eskifirði, dagsett 20. apríl 2021, þar sem þess er óskað að staðfestingu á breytingu deiliskipulags verði frestað þangað til búið er að kynna betur fyrirhugaðar breytingar í götunni.

   Gert er ráð fyrir fundi með íbúum við Lambeyrarbraut og hönnuði í byrjun maí.

   Eigna-, skipulags- og umhverfisnefnd hefur móttekið erindið. Deiliskipulag mun ekki verða staðfest fyrr en eftir fund íbúa með hönnuði.

5. 5. 730 Brekkugerði 1 - Umsókn um lóð

   Mál 2104051 Allur ferill málsins

   Lögð fram lóðarumsókn Patreks Trostans Stefánssonar, dagsett 12. apríl 2021, þar sem sótt er um lóð undir einbýlishús á lóðinni við Brekkugerði 1 á Reyðarfirði.

   Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

6. 6. 740 Naustahvammur 67 - Umsókn um byggingarleyfi, byggja við löndunarhús

   Mál 2104005 Allur ferill málsins

   Lögð fram byggingarleyfisumsókn Síldarvinnslunnar hf, dagsett 31. mars 2021, þar sem sótt er um leyfi til að byggja viðbyggingu við núverandi löndunarhús á hafnarsvæði við fiskimjölsverksmiðju fyrirtækisins við Naustahvamm 67-69 á Norðfirði. Viðbyggingin mun hýsa stækkun á núverandi vinnslu og vélbúnað henni tengdri.

   Eigna-, skipulags- og umhverfisnefnd samþykkir umsóknina.

7. 7. 755 Bólsvör 1 - Umsókn um byggingarleyfi, rífa hús

   Mál 2104045 Allur ferill málsins

   Lögð fram byggingarleyfisumsókn Hafnarsjóðs Fjarðabyggðar. dagsett 12. apríl 2021, þar sem sótt er um leyfi til að rífa húsnæði sjóðsins að Bólsvör 1 á Stöðvarfirði.

   Eigna-, skipulags- og umhverfisnefnd samþykkir umsóknina.

8. 8. 740 Hafnarbraut 20 - Umsókn um endurnýjun á lóðaleigusamningi

   Mál 2104072 Allur ferill málsins

   Lögð fram umsókn Landsbankans hf, dagsett 15. apríl 2021, þar sem óskað er eftir endurnýjun lóðarleigusamnings lóðar bankans að Hafnarbraut 20 á Norðfirði. Lögð fram tillaga að lóðarblaði.

   Eigna-, skipulags- og umhverfisnefnd samþykkir að lóðarleigusamningur verði endurnýjaður.

9. 9. Almenningssamgöngur í Fjarðabyggð

   Mál 1904072 Allur ferill málsins

   Lögð fram til kynningar drög að skýrslu Verkfræðistofunnar Eflu um almenningssamgöngur í Fjarðabyggð. Bæjarráð hefur samþykkt að vísa skýrslunni til kynningar í nefndum sveitarfélagsins sem aðkomu hafa að málinu.

10. 10. 708.mál - Frumvarp til laga um breytingu á lögum um hollustuhætti og mengunarvarnir, lögum um meðhöndlun úrgangs og lögum um úrvinnslugjald (EES-reglur, hringrásarhagkerfi)

    Mál 2104078 Allur ferill málsins

    Lagt fram til kynningar erindi umhverfis- og samgöngunefndar Alþingis um frumvarp til laga um breytingu á lögum um hollustuhætti og mengunarvarnir, lögum um meðhöndlun úrgangs og lögum um úrvinnslugjald (EES-reglur, hringrásarhagkerfi)

11. 11. 712.mál - Frumvarp til laga um umhverfismat framkvæmda og áætlana

    Mál 2104080 Allur ferill málsins

    Lagt fram til kynningar erindi umhverfis- og samgöngunefndar Alþingis um frumvarp til laga um umhverfismat framkvæmda og áætlana.

12. 12. Verkefni sorpmiðstöðvar 2021

    Mál 2104119 Allur ferill málsins

    Lagt fram minnisblað sviðsstóra framkvæmdasviðs varðandi framkvæmdir við Hjallanes 8 á Reyðarfirði, dagsett 21. apríl 2021. Gert er ráð fyrir efniskaupum og uppsetningu á millilofti í einu sperrubili.

    Eigna-, skipulags- og umhverfisnefnd samþykkir framkvæmdir í samræmi við minnisblað.

13. 13. Alcoa Foundation, umhverfisverkefni 2021

    Mál 2104047 Allur ferill málsins

    Lagt fram minnisblað umhverfisstjóra, dagsett 23. apríl 2021, um styrkumsókn til umhverfisverkefnis í sjóð Alcoa Foundation.

    Eigna-, skipulags- og umhverfisnefnd felur umhverfisstjóra að vinna áfram með umsóknina og senda inn í sjóðinn. Nefndin samþykkir jafnframt að minnisblað og styrkumsókn umhverfisstjóra verði kynnt í menningar- og nýsköpunarnefnd áður en umsókn verður send.

14. 14. Skorrastaðir, kvörtun vegna fuglafælu

    Mál 2104138 Allur ferill málsins

    Lagðar fram kvartanir hluta íbúa Norðfjarðarsveitar og Hestamannafélagsins Blæs vegna hávaða og óþæginda sem notkun gasbyssu í landi Skorrastaða 1 veldur.

    Eigna-, skipulags- og umhverfisnefnd felur umhverfis- og skipulagssviði að kanna þau úrræði sem hægt er að grípa til vegna ónæðisins sem fuglafælan veldur.

15. 15. Friðlýsing Gerpissvæðisins

    Mál 2001205 Allur ferill málsins

    Lögð fram til kynningar drög að auglýsingu um friðlýsingu Barðsnessvæðisins. Umhverfis- og auðlindaráðherra hefur í samræmi við náttúruverndaráætlun 2009-2013 og í kjölfar þriggja mánaða opins kynningarferils, sbr. 2. mgr. 39. gr. laga nr. 60/2013 um náttúruvernd ákveðið að friðlýsa hluta svæðisins milli Norðfjarðar og Reyðarfjarðar sem landslagsverndarsvæði í samræmi við 50. gr. laga nr. 60/2013 um náttúruvernd.

    Svæðið hefur hátt verndargildi sem byggir á mikilvægi þess sem búsvæði sjaldgæfra plöntutegunda, jarðminja, landslags, útivistargildis- og menningarsögu. Innan svæðisins eru einnig stór svæði sem bera einkenni óbyggðra víðerna.