Eigna-, skipulags- og umhverfisnefnd, fundur 274

Þessi fundargerð á öðrum fundum

• 9. nóvember 2020 Bæjarráð, fundur 687 liður 10

  Fundargerð eigna, skipulags- og umhverfisnefndar nr. 274 frá 2.nóvember lögð fram til umfjöllunar.

• 19. nóvember 2020 Bæjarstjórn, fundur 301 liður 3

  Fundargerðir eigna- skipulags- og umhverfisnefndar nr. 274 og nr. 275 teknar til afgreiðslu saman.

  Enginn tók til máls.

  Fundargerð eigna- skipulags- og umhverfisnefndar nr. 274 frá 2.nóvember, samþykkt með 9 atkvæðum.

Dagskrá

1. 1. Umhverfisviðurkenning 2020

   Mál 2007077 Allur ferill málsins

   Lagt fram minnisblað umhverfisstjóra er varðar umhverfisviðurkenningu Fjarðabyggðar 2020, dagsett 30. október 2020.

   Eigna-, skipulags- og umhverfisnefnd samþykkir tillögur í minnisblaði umhverfisstjóra að tilnefningu til umhverfisverðlauna og vegna fyrirkomulags við athöfn á tíma sóttvarnareglna vegna heimsfaraldursins.

2. 2. Dýraeftirlit 2020

   Mál 2001048 Allur ferill málsins

   Lagt fram minnisblað umhverfisstjóra er varðar fyrirkomulag árlegrar ormalyfsgjafar, hunda og katta, í Fjarðabyggð á tíma sóttvarnareglna vegna heimsfaraldursins, dagsett 30. október 2020.

   Eigna-, skipulags- og umhverfisnefnd samþykkir tillögur í minnisblaði umhverfisstjóra og felur henni framkvæmd þeirra.

3. 3. Refa- og minkaveiðar 2020

   Mál 2001232 Allur ferill málsins

   Lagt fram til kynningar minnisblað umhverfisstjóra á niðurstöðum refa- og minkaveiða í Fjarðabyggð veiðitímabilið 2019/20.

4. 4. 740 Blómsturvellir 41 - Umsókn um lóð

   Mál 2010131 Allur ferill málsins

   Lögð fram lóðarumsókn Ólafar Þorgerðar Þorgeirsdóttur, dagsett 20. október 2020, þar sem sótt er um lóðina við Blómsturvelli 41 á Norðfirði undir einnar hæðar einbýlishús.

   Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

5. 5. 740 Blómstgurvellir 38 - Umsókn um lóð

   Mál 2010189 Allur ferill málsins

   Lögð fram lóðarumsókn Hallgríms Axels Tulinius, dagsett 28. október 2020, þar sem sótt er um lóðina við Blómsturvelli 38 á Norðfirði undir einbýlishús.

   Eigna-, skipulags- og umhverfisnefnd samþykkir, fyrir sitt leyti, að úthluta lóðinni og vísar umsókninni til bæjarráðs til endanlegrar afgreiðslu.

6. 6. 735 Strandgata 52 - Beiðni um stækkun byggingarreits

   Mál 2010193 Allur ferill málsins

   Lagt fram erindi Helga Hafliðasonar fh. Ríkiseigna, dagsett 28. október 2020 þar sem óskað er eftir stækkun byggingarreits Strandgötu 52 á Eskifirði um 2 m til austur svo hægt sé að koma fyrir lokuðu stigahúsi á austurstafn hússins.

   Eigna-, skipulags- og umhverfisnefnd samþykkir stækkun byggingarreits enda um óveruleg frávik að ræða sem skerðir ekki hagsmuni nágranna hvað varðar landnotkun, útsýni, skuggavarp eða innsýn.

7. 7. 735 Strandgata 98B - Umsókn byggingarleyfi, niðurrif

   Mál 2010198 Allur ferill málsins

   Lögð fram byggingarleyfisumsókn Fjarðabyggðar, dagsett 29. október 2020, þar sem sótt er um leyfi til að rífa húsnæði sveitarfélagsins að Strandgötu 98b á Eskifirði.

   Eigna-, skipulags- og umhverfisnefnd samþykkir umsóknina.

8. 8. 735 Högnastaðir að Litlu-Breiðuvík - Framkvæmdaleyfi, rafstrengur og ljósleiðari

   Mál 2010166 Allur ferill málsins

   Lögð fram framkvæmdaleyfisumsókn RARIK, dagsett 23. október 2020, þar sem sótt er um framkvæmdaleyfi vegna lagningar rafstrengs og ljósleiðara frá Högnastöðum, í Helgustaðarhreppi hinum forna, út í Litlu-Breiðuvík. Lagning ljósleiðara er á vegum Mílu og Fjarðabyggðar. Leyfi vegagerðarinnar liggur fyrir.

   Eigna-, skipulags- og umhverfisnefnd samþykkir umsóknina og felur umhverfis- og skipulagssviði að gefa út framkvæmdaleyfi þegar allar tilskildar umsagnir og leyfi landeiganda liggur fyrir.

9. 9. Endurskoðun hættumats undir leiðgarði/leiðigörðum

   Mál 2010018 Allur ferill málsins

   Lagt fram til kynningar bréf Veðurstofu Íslands er varðar endurskoðun hættumats undir leiðigarði/leiðigörðum nokkurra sveitarfélaga, dagsett 1. október 2020. Í Fjarðabyggð er um er að ræða vestasta hluta varnamannvirkja tengdum Tröllagili á Norðfirði.

10. 10. 730 Bakkagerði - umferðaröryggi

    Mál 2010185 Allur ferill málsins

    Lögð fram tillaga Heimis Arnfinnssonar að betri umferðarmenningu og lækkun hraða bifreiða í Bakkagerði á Reyðarfirði, dagsett 27. október 2020. Eigna-, skipulags- og umhverfisnefnd þakkar bréfritara tillöguna sem verður tekin til nánari skoðunar í næstu endurnýjun umferðarsamþykktar Fjarðabyggðar. Nefndin bendir jafnframt á að samkvæmt samþykktinni sé gert ráð fyrir 40 km/klst hámarkshraða í Bakkagerði. Sviðsstjóra umhverfis- og skipulagssviðs er falið að upplýsa lögreglu um erindið.

11. 11. Veflausn fyrir samskipti við notendur Hitaveitu

    Mál 2010195 Allur ferill málsins

    Lagður fram til kynningar samningur Fjarðabyggðar og Origo vegna hugbúnaðar þar sem viðskiptavinir Hitaveitu Fjarðabyggðar á Eskifirði geta nálgast viðskipti sín við hitaveituna á vefnum.