Bæjarráð, fundur 742

Þessi fundargerð á öðrum fundum

• 17. febrúar 2022 Bæjarstjórn, fundur 327 liður 1

  Fundargerðir bæjarráðs teknar til umfjöllunar og afgreiðslu saman.

  Til máls tók Eydís Ásbjörnsdóttir.

  Bæjarstjóri mætti á fund kl. 16:12.

  Fundargerð bæjarráðs frá 7. febrúar staðfest með 9 atkvæðum.

Dagskrá

1. 1. Ársreikningur Fjarðabyggðar árið 2021

   Mál 2202017 Allur ferill málsins

   Lögð fram til kynningar endurskoðunaráætlun 2021. Kynningin er send í samræmi við breytingar á lögum um endurskoðendur og endurskoðun nr. 94/2019, sem tóku gildi 1. janúar 2020 en samkvæmt ákvæðum þeirra ber endurskoðendum m.a. að upplýsa endurskoðunarnefndir um áhættumat og nálgun við endurskoðun ársins. Þar sem endurskoðunarnefndir eru almennt ekki skipaðar hjá þeim sveitarfélögum sem falla undir ákvæði framangreindra laga er litið svo á að bæjarráð gegni því hlutverki.

   Bæjarráð samþykkir að nýta sér undanþáguákvæði reglugerðar nr. 1212/2015 um bókhald, fjárhagsáætlanir og ársreikninga sveitarfélaga, um að færa ekki í ársreikning 2021 hlutdeild í einstökum liðum rekstrar og efnahags viðkomandi eignarhluta félagaforma með ótakmarkaða ábyrgð sveitarfélagsins.

2. 2. Starfshópur leikskólar 2021

   Mál 2111127 Allur ferill málsins

   Umræða í framhaldi af vinnu starfshóps sem bæjarráð skipaði 22. nóvember sl. um málefni leikskólanna í Fjarðabyggð. Lagt fram minnisblað bæjarstjóra um aðgerðir í starfsmannamálum leikskólanna.

   Minnisblaði og tillögum um aðgerðir, vísað til fræðslunefndar til skoðunar. Tekið fyrir í bæjarráði að nýju að lokinni yfirferð í fræðslunefnd.

3. 3. Úthlutun stofnframlaga ríkisins 2021

   Mál 2112130 Allur ferill málsins

   Áður á dagskrá bæjarráðs 3.janúar sl. Sveitarfélagið þarf formlega að staðfesta veitingu stofnframlags á móti úthlutun stofnframlags ríkisins, sbr. 7. mgr. 11. gr. laga um almennar íbúðir. Bæjarráð staðfestir stofnframlag að fjárhæð kr. 20.704.629 og vísar málinu til samþykktar í bæjarstjórn.

4. 4. Húsnæðissjálfseignarstofnun á landsbyggðinni

   Mál 2109272 Allur ferill málsins

   Lögð fram til kynningar fundargerð umræðufundar um stofnun húsnæðissjálfseignarstofnunar sem þjóni sveitarfélögum á landsbyggðinni, sem haldinn var 27. janúar sl. Stofnfundur stofnunarinnar verður 15. febrúar 2022 og þarf Fjarðabyggð að taka afstöðu til þátttöku í stofnuninni. Bæjarráð samþykkir þátttöku í húsnæðissjálfseignarstofnun.

5. 5. Kaupsamningur um Búðarmel 6a-e f.h. óstofnaðs hses félags

   Mál 2202024 Allur ferill málsins

   Framlagður kaupsamningur um fimm íbúðir að Búðarmel 6 á Reyðarfirði f.h. óstofnaðrar hses. stofnunar. Kaupsamningurinn byggir á samþykkt um úthlutun stofnframlaga til almennra leiguíbúða bæði af hálfu Fjarðabyggðar og Húsnæðis- og mannvirkjastofnunar. Ráðgerð er stofnun húsnæðissjálfseignarstofnunar síðar í mánuðinum sem Fjarðabyggð mun gerast stofnfélagi að - sjá 4.lið í fundargerð. Því félagi er ætlað að taka við þessum kaupsamningi og skulbindingum hans. Bæjarráð samþykkir kaupsamninginn og felur bæjarstjóra undirritun hans.

6. 6. Akstur á skíðasvæðið í Oddsskarði

   Mál 2201186 Allur ferill málsins

   Lagt fram minnisblað sviðstjóra fjölskyldusviðs er varðar fyrirkomulag aksturs á skíðasvæðið í Oddsskarði. Bæjarráð samþykkir að í ár verði boðið upp á sérstakan akstur frá Eskifirði upp í Oddsskarð á meðan opið er í Oddsskarði. Í ár er um að ræða tímabilið frá febrúar og fram í apríl. Tekið verði mið af tímatöflum almenningssamgangna. Sviðsstjóra fjölskyldusviðs falin frágangur og afgreiðsla málsins.

7. 7. Ókyngreindir búningsklefar og salerni í íþróttamannvirkjum Fjarðabyggðar

   Mál 2202006 Allur ferill málsins

   Bréf Jafnréttisteymis og íþróttakennara Verkmenntaskóla Austurlands er varðar íþróttamannvirki í Neskaupstað. Bæjarráð vísar bréfinu til félagsmálanefndar, eigna- skipulags- og umhverfisnefndar, íþrótta- og tómstundanefndar og fræðslunefndar, til umfjöllunar og skoðunar við gerð fjárhagsáætlunar 2023.

8. 8. Þjóðlendumál á Austfjörðum - kynning á kröfum ríkisins

   Mál 2202036 Allur ferill málsins

   Fjármála- og efnahagsráðherra hefur fyrir hönd íslenska ríkisins afhent óbyggðanefnd kröfur um þjóðlendur á Austfjörðum, sbr. lög nr. 58/1998, um þjóðlendur og ákvörðun marka eignarlanda, þjóðlendna og afrétta. Óbyggðanefnd kynnir kröfurnar til að ná til þeirra sem kunna að eiga öndverðra hagsmuna að gæta svo að þeir geti látið sig málin varða og eftir atvikum lýst kröfum á móti. Kröfulýsingarfrestur er til 6. maí 2022. Sveitarfélagið Fjarðabyggð á ekki beina aðkomu að þeim kröfum er um ræðir en mun að beiðni óbyggðanefndar setja efni á heimasíðu bæjarins.

9. 9. Skipan aðgengisfulltrúa

   Mál 2202041 Allur ferill málsins

   Í tengslum við úrbætur í aðgengismálum fatlaðs fólks þarf sveitarfélagið að skipa sérstakan aðgengisfulltrúa. Bæjarráð skipar fasteigna- og framkvæmdafulltrúa sem aðgengisfulltrúa.

10. 10. Hugmynd að nýjum samningi við Ljósmyndasafn Austurlands

    Mál 2202039 Allur ferill málsins

    Forstöðumaður Héraðsskjalasafns Austfirðinga hefur óskað eftir að breyta fjármögnun Ljósmyndasafns Austurlands og aðkomu sveitarfélaganna að safninu. Lagt er upp með að árlegt framlag Fjarðabyggðar til ljósmyndasafnsins verði kr. 575.000 en á móti lækki framlag Fjarðabyggðar til SSA um sem nemur kr. 470.000. Nettóhækkun á framlagi næmi því um kr. 100.000. Bæjarráð felur bæjarstjóra að ræða við forstöðumann héraðsskjalasafnins og leggja fyrir bæjarráð að nýju.

11. 11. Fundargerðir Samtaka orkusveitarfélaga 2022

    Mál 2201187 Allur ferill málsins

    Fundargerð stjórnar Samtaka orkusveitarfélaga lögð fram til kynningar.

12. 12. Jafnlaunakerfi

    Mál 1812054 Allur ferill málsins

    Kynning á niðurstöðum jafnlaunagreiningar 2022. Mannauðsstjóri sat þennan lið fundarins og kynnti niðurstöður greiningarinnar.