Bæjarráð, fundur 555

Dagskrá

1. 1. Rekstrarform hjúkrunarheimila í Fjarðabyggð

   Mál 1712040 Allur ferill málsins

   Frá síðasta fundi. Framhaldið umræðu um samantekt KPMG um lagaumhverfi og rekstrarform hjúkrunarheimila. Bæjarstjóri greindi frá fundi með heilbrigðisráðherra um málefni hjúkrunarheimilanna.

   Bæjarráð samþykkir að rekstur og efnahagur hjúkrunaheimilanna Uppsala og Hulduhlíðar verði tekinn í samstæðuuppgjör sveitarfélagsins fyrir árið 2017. Stjórnun og fjárhag verði áfram haldið óbreyttum, aðskildum frá fjárhag sveitarfélagsins. Vísað til gerðar ársreiknings 2017.

2. 2. Auglýsing umsóknar um byggðakvóta fiskveiðiársins 2017/2018.

   Mál 1709072 Allur ferill málsins

   Framlagt minnisblað atvinnu- og þróunarstjóra er varðar byggðakvóta fyrir Mjóafjörð en honum var falið að ræða við Byggðastofnun vegna sérstakra aðstæðna sem uppi eru þar.

   Forseti bæjarstjórnar mun funda með ráðherra sveitarstjórnarmála m.a. vegna málefna Mjóafjarðar á næstu dögum. Tekið fyrir að nýju í bæjarráði.

3. 3. Nýjar persónuverndarreglur 2018

   Mál 1612047 Allur ferill málsins

   Lagðar fram leiðbeiningar um hvað nýju persónuverndarreglurnar þýða fyrir sveitarfélögin, auk minnisblaðs sambandsins um kostnaðarmat við frumvarp til laga um persónuvernd.

4. 4. Öryggisstefna

   Mál 1803011 Allur ferill málsins

   Framlögð drög að uppfærðri upplýsingaöryggisstefnu sem leysir af hólmi eldri upplýsingaöryggisstefnu frá 2013. Stefnunni er ætlað að mæta kröfum sem ný persónuverndarlöggjöf krefur og reglugerð Evrópusambandsins áskilur að aðildarlönd þeirra innleiði.

   Bæjarráð samþykkir fyrir sitt leyti stefnuna og vísar henni til afgreiðslu bæjarstjórnar. Stefnunni er jafnframt vísað til kynningar í nefndum sveitarfélagsins.

5. 5. Útvistunarstefna

   Mál 1803012 Allur ferill málsins

   Framlögð drög að útvistunarstefnu upplýsingatæknimála ásamt minnisblaði. Með drögum þessum er skýrð heimild til útvistunar á rekstri upplýsingatæknikerfa til samræmis við ákvæði nýrra persónuverndarlaga og reglugerðar Evrópusambandsins um aukna persónuvernd.

   Bæjarráð samþykkir fyrir sitt leyti stefnuna og vísar henni til afgreiðslu bæjarstjórnar. Stefnunni er jafnframt vísað til kynningar í nefndum sveitarfélagsins.

6. 6. Ástand gamla skólans á Eskifirði

   Mál 1410077 Allur ferill málsins

   Málefni Veraldarvina er varða Gamla grunnskólann á Eskifirði rædd. Farið yfir kvaðir framkvæmdaaðila vegna gamla barnaskólans á Eskifirði og hvernig staðið hefur verið að því að uppfylla þær.

7. 7. 190.mál til umsagnar frumvarp til sveitarstjórnarlaga (fjöldi fulltrúa í sveitarstjórn)

   Mál 1802180 Allur ferill málsins

   Framlagt til umsagnar frumvarp til laga um breytingu á sveitarstjórnarlögum um fjölda fulltrúa í sveitarstjórnum.

   Bæjarráð tekur undir þau sjónarmið sem koma fram í frumvarpinu.

8. 8. Fundargerðir Samband Íslenskra sveitarfélaga 2018

   Mál 1802007 Allur ferill málsins

   Fundargerð 857. stjórnarfundar Sambands íslenskra sveitarfélaga lögð fram til kynningar.

9. 9. Fræðslunefnd - 52

   Fundargerðin í heild

   Fundargerð fræðslunefndar, nr. 52 frá 28.febrúar 2018, lögð fram til kynningar.