Bæjarráð, fundur 461

Þessi fundargerð á öðrum fundum

• 4. febrúar 2016 Bæjarstjórn, fundur 194 liður 1

  Fundargerðir bæjarráðs nr. 461 og nr. 462 teknar til afgreiðslu saman.

  Til máls tóku: Jens Garðar Helgason, Jón Björn Hákonarson, Einar Már Sigurðarson.

  Fundargerð bæjarráðs frá 25. janúar s.l. staðfest með 9 atkvæðum.

Dagskrá

1. 1. Skammtímafjármögnun Fjarðabyggðar 2016

   Mál 1601186 Allur ferill málsins

   Lagt er til að bæjarráð heimili að framlengja í allt að eitt ár yfirdráttarheimild hjá Íslandsbanka.

   Bæjarráð samþykkir að framlengja í allt að eitt ár yfirdráttarheimild hjá Íslandsbanka á greiðslureikningi Fjarðabyggðar fyrir allt að 200 milljónir króna.

2. 2. Átaksverkefni Nýsköpunarmiðstöðvar Íslands í atvinnuuppbyggingu á landsbyggðinni - Ræsing

   Mál 1601221 Allur ferill málsins

   Átaksverkefni Nýsköpunarmiðstöðvar Íslands í atvinnuuppbyggingu á landsbyggðinni - Ræsing. Verkefnið hefur það að markmiði að auka fjölbreytni starfa. Lagt til að sveitarfélagið taki þátt í verkefninu með framlagi upp á eina milljón kr. sem takist af liðnum óráðstafað.

   Bæjarráð samþykkir að leggja til verkefnisins eina milljón kr. og felur bæjarstjóra undirritun samnings. Bæjarstjóri verður fulltrúi í nefndinni. Tekið af liðnum óráðstafað 21690.

3. 3. Uppbygging ljósleiðaraneta í Fjarðabyggð og ríkisaðstoðarreglur EES

   Mál 1411143 Allur ferill málsins

   Farið yfir málið og framgang verkefnisins.

   Bæjarritar falið að yfirfara gögn frá Eflu og leggja tillögu fyrir bæjarráð.

   Vísað til kynningar í eigna-, skipulags- og umhverfisnefnd.

4. 4. Starfshópur um þróun almenningsamgangna á Austurlandi ( SvAust )

   Mál 1601217 Allur ferill málsins

   Samkvæmt ákvörðun aðalfundar og stjórnar SSA verður unnið að þróun almenningssamganga á Austurlandi.

   Lagt fram til kynningar erindisbréf fyrir starfshóp um þróun almenningssamganga á Austurlandi auk minnisblaðs bæjarstjóra.

   Vísað til kynningar í eigna-, skipulags- og umhverfisnefnd.

5. 5. Eistnaflug 2016

   Mál 1510059 Allur ferill málsins

   Lögð fram til kynningar drög að samningi við Millifótakonfekt ehf. vegna framkvæmdar Eistnaflugshátíðarinnar 2016.

   Bæjarráð felur bæjarstjóra að ganga frá samningi við Millifótakonfekt ehf. um hátíðina.

6. 6. Tillaga um afleysingu félagsmálastjóra í fæðingarorlofi

   Mál 1601220 Allur ferill málsins

   Tillaga bæjarstjóra lögð fram til kynningar og afgreiðslu.

   Fræðslustjóri leysir félagsmálastjóra af í fæðingarorlofi og leiðir starf fjölskyldusviðs í afleysingu.

   Bæjarráð samþykkir tillöguna.

7. 7. Reglur um sérstakar húsaleigubætur 2016

   Mál 1601144 Allur ferill málsins

   Félagsmálanefnd samþykkti á fundi sínum þann 20. janúar sl. tillögur að breytingum á reglum vegna sérstakra húsaleigubóta og matskvarða og vísaði til bæjarráðs til umræðu og afgreiðslu.

   Vísað til næsta fundar bæjarráðs.

8. 8. Tillaga um breytingu á afslætti vegna heimaþjónustu

   Mál 1601137 Allur ferill málsins

   Félagsmálanefnd samþykkti á fundi sínum þann 20. janúar tillögur til breytinga á gjaldi vegna félagslegrar heimaþjónustu. Félagsmálanefnd vísar málinu til umræðu og afgreiðslu í bæjarráði.

   Bæjarráð samþykkir tillögur um breytingu á gjaldskrá félagslegrar heimaþjónustu sem lagðar eru til í minnisblaðinu.

9. 9. Aðalfundur Samorku 19.febrúar 2016

   Mál 1601150 Allur ferill málsins

   Aðalfundur Samorku verður haldinn föstudaginn 19. febrúar nk. kl. 10:30 á Icelandair Hótel Natura (Loftleiðir) Ársfundur samtakanna verður haldinn síðar sama dag kl. 13:00.

   Vísað til eigna- skipulags- og umhverfisnefndar til afgreiðslu.

10. 10. Fundagerðir Samtaka sjávarútvegssveitarfélaga 2016

    Mál 1601200 Allur ferill málsins

    Fundargerð Samtaka sjávarútvegssveitarfélaga frá 15.janúar 2016, lögð fram til kynningar.

    Bæjarráð tekur undir bókun samtakanna hvað varðar viðskiptaþvinganir á Rússland.

11. 11. Fundargerðir stjórnar SSA 2015

    Mál 1501271 Allur ferill málsins

    Fundargerðir stjórnar SSA frá 15. desember 2015 og 14. janúar 2016, lagðar fram til kynningar.

12. 12. Fundargerðir félagsmálanefndar 2016

    Mál 1601210 Allur ferill málsins

    Fundargerð félagsmálanefndar nr. 79 frá 20. janúar 2016, lögð fram til kynningar.

13. 13. Íþrótta- og tómstundanefnd - 18

    Fundargerðin í heild

    Fundargerð Íþrótta- og tómstundanefndar nr. 18 frá 20.janúar 2016, lögð fram til kynningar.