Bæjarráð, fundur 414

Þessi fundargerð á öðrum fundum

• 5. febrúar 2015 Bæjarstjórn, fundur 172 liður 1

  Fundargerðir bæjarráðs teknar til umfjöllunar og afgreiðslu saman.

  Til máls tóku: Jón Björn Hákonarson, Eydís Ásbjörnsdóttir.

  Fundargerð bæjarráðs, nr. 414 frá 26. janúar 2015, samþykkt með 9 atkvæðum.

Dagskrá

1. 1. Bygging leikskóla á Neseyri

   Mál 1402081 Allur ferill málsins

   Fjallað um framkvæmdir vegna byggingar nýs leikskóla á Neseyri í Neskaupstað.

   Lagt fram minnisblað framkvæmdasviðs vegna breytinga á verksamningi vegna framkvæmdanna.

   Bæjarráð leggst ekki gegn breytingum sem tilgreindar eru í minnisblaðinu.

   Vísað til eigna-, skipulags- og umhverfisnefndar.

2. 2. Eistnaflug 2015

   Mál 1312019 Allur ferill málsins

   Þennan lið dagskrár sat forstöðumaður stjórnsýslu.

   Framlagður samningur um Eistnaflug til staðfestingar.

   Bæjarráð samþykkir samninginn með áorðnum breytingum sbr. umræður á fundinum og felur bæjarstjóra undirritun hans.

3. 3. Endurgreiðsluhlutfall Fjarðabyggðar vegna réttindasafns Lífeyrissjóðs Neskaupstaðar

   Mál 1501247 Allur ferill málsins

   Framlögð tillaga Lífeyrissjóðs starfsmanna að endurgreiðsluhlutfalli sveitarfélagsins vegna eftirlaunaskuldbindinga B-deildar lífeyrissjóðsins vegna Lífeyrissjóðs Neskaupstaðar. Lagt er til að endurgreiðsluhlutfall launagreiðenda haldist óbreytt og verði 66% á árinu 2015.

4. 4. Fjarðabyggð til framtíðar

   Mál 1411075 Allur ferill málsins

   Tekin umræða um árangur funda sem haldnir voru í síðustu viku og framvindu verkefnisins.

5. 5. Girðing á athafnasvæð Samskipa við Hafnargötu 5, Reyðarfirði.

   Mál 1412009 Allur ferill málsins

   Framlagt bréf Ásmundar Ásmundssonar vegna starfsemi Samskipa á lóðinni að Hafnargötu 5 á Reyðarfirði.

   Vísað til bæjarstjóra til skoðunar.

6. 6. Tillaga að sölu íbúða í eigu Fjarðabyggðar árið 2015

   Mál 1501079 Allur ferill málsins

   Framlagður listi yfir eignir sem eigna-, skipulags- og umhverfisnefnd hefur samþykkt að stefnt verði að sölu á árinu 2015. Samkvæmt reglum um sölu íbúða þarf að staðfesta listann formlega af bæjarstjórn. Bæjarráð samþykkir listann fyrir sitt leyti og vísar honum til staðfestingar bæjarstjórnar.

   Jafnframt áskilur bæjarráð að listinn verði endurskoðaður á árinu.

7. 7. Landsþing sambandsins 17. apríl

   Mál 1501264 Allur ferill málsins

   Fram lagt fundarboð XXIX. landsþings Sambands sveitarfélaga sem haldið verður föstudaginn 17. apríl n.k. í Salnum í Kópavogi.

   Fulltrúar sveitarfélagsins eru aðalfulltrúar í bæjarráði og bæjarstjóri.

8. 8. Veitur styrkur til viðgerðar á Lúðvíkshúsi

   Mál 1401003 Allur ferill málsins

   Lögð fram drög að samningi við áhugamenn um endurgerð á Lúðvíkshúsi í Neskaupstað.

   Bæjaráð samþykkir samninginn og felur bæjarstjóra undirritun hans.

9. 9. 403.mál til umsagnar um örnefni

   Mál 1501268 Allur ferill málsins

   Framlagt bréf Allsherjar- og menntamálanefndar til umsagnar frumvarp til laga um örnefni

   (heildarlög), 403. mál. Frumvarpið er nú lagt fram í þriðja sinn með lítils háttar breytingum frá upphaflegu frumvarpi.

   Stuðst verður við umsagnir sem bárust á síðasta þingi en umsagnaraðilar geta eigi að síður sent nýja

   umsögn um frumvarpið. Vísað til eigna-, skipulags- og umhverfisnefndar.

10. 10. Aðalfundur Sjóminjasafns Austurlands

    Mál 1501244 Allur ferill málsins

    Framlagt fundarboð aðalfundar Sjóminjasafns Austurlands en boðað er til fundar föstudag 30. janúar n.k.

    Bæjarráð felur Pétri Sörenssyni forstöðumanni safnastofnunar að fara með umboð sveitarfélagsins á aðalfundinum.

11. 11. Fjölskyldustefna Fjarðabyggðar

    Mál 1411001 Allur ferill málsins

    Framlagður til kynningar samningur við Hrönn Pétursdóttir vegna vinnu við fjölskyldustefnu.

    Bæjarráð hafði áður falið bæjarstjóra undirritun hans og gerir ekki athugasemdir við efni samnings.

12. 12. Samstarf milli Íslands og Slóvakíu

    Mál 1501194 Allur ferill málsins

    Framlagður tölvupóstur Sambands íslenskra sveitarfélaga um samstarf við sveitarfélög í Slóvakíu og styrkveitinga vegna þess.

    Bæjarráð tekur vel i erindið að því gefnu að ekki falli til verulegur kostnaður á sveitarfélagið.

    Bæjarritara og forseta bæjarstjórnar falið að fylgja málinu eftir.

13. 13. Aðstaða í íþróttahúsinu Neskaupstað

    Mál 1501280 Allur ferill málsins

    Framlagt bréf frá Stefáni Má Guðmundssyni vegna aðstöðu til íþróttakennslu í íþróttahúsinu í Neskaupstað.

    Vísað til framkvæmdasviðs til úrvinnslu.

14. 14. Houston OTC (Offshore Technology Conference)

    Mál 1501281 Allur ferill málsins

    Fjarðabyggð hefur verið boðin þátttaka í Sendinefnd Stavanger á ráðstefnu í Houston OTC ( Offshore, Technology Conference) 1-7. maí nk. Bæjarráð samþykkir að bæjarstjóri og forseti bæjarstjórnar sæki ráðstefnuna fyrir hönd sveitarfélagsins.

15. 15. Fundagerðir Náttúrustofu Austurlands 2015

    Mál 1501235 Allur ferill málsins

    Framlögð fundargerð Náttúrustofu Austurlands frá 7. janúar 2015.

16. 16. Fundargerðir stjórnar SSA 2014

    Mál 1402146 Allur ferill málsins

    Framlagðar fundargerðir stjórnar Sambands sveitarfélaga á Austurlandi frá 26.ágúst, 19. og 23. september, 22. og 27. október og 15. desember 2014.

17. 17. Fundargerðir stjórnar SSA 2015

    Mál 1501271 Allur ferill málsins

    Framlögð fundargerð stjórnar Sambands sveitarfélaga á Austurlandi frá 21. janúar sl.

18. 18. Fundargerðir barnaverndarnefndar 2015

    Mál 1501273 Allur ferill málsins

    Fundargerð barnaverndarnefndar, nr. 51 frá 20. janúar sl., lögð fram til kynningar.