Bæjarráð, fundur 193

Þessi fundargerð á öðrum fundum

• 29. apríl 2010 Bæjarstjórn, fundur 70 liður 2

  Til máls tók Valdimar O Hermannsson. Staðfest af bæjarstjórn með 9 atkvæðum.

Dagskrá

1. 1. Sorphirða og Sorpförgun Fjarðabyggð - útboðsgögn

   Mál 1001039 Allur ferill málsins

   Guðmundur R. Gíslason vék af fundi undir þessum lið. Mannvirkjastjóri sat þennan lið fundarins, fór yfir minnisblað sitt frá 1.mars og gerði grein fyrir samningsniðurstöðu vegna útboðsins. Fram kom að farið hefur verið yfir fjárhagsstöðu Íslenska Gámafélagsins og í því sambandi var lögð fram ábyrgðaryfirlýsing Landsbankans þar sem fram kemur að bankinn ábyrgist 25% af fjárhæð verksamningsins á ársgrundvelli.

2. 2. Strandgata 53 Eskifirði - Beiðni um greiðslu kostnaðar við gerð skólpbrunns

   Mál 1004006 Allur ferill málsins

   Mannvirkjastjóri sat þennan lið fundarins. Erindi Emils Thorarensens frá 7.apríl þar sem óskað er eftir að Fjarðabyggð kosti og gangi frá skólpbrunni við húseignina að Strandgötu 53 á Eskifirði. Máli vísað til mannvirkjastjóra til afgreiðslu.

3. 3. Skólastjórabústaðir á Eskifirði og Fáskrúðsfirði - Sala

   Mál 0907049 Allur ferill málsins

   Mannvirkjastjóri sat þennan lið fundarins. Mannvirkjanefnd hafnaði tilboðum í báðar þessar fasteignir á 30. fundi sínum þann 25. febrúar 2010, þar sem skoðun nefndarinnar var sú að tilboðin væru ekki viðunandi. Jafnframt óskaði nefndin eftir því að fasteignirnar væru auglýstar aftur sem var gert. Við seinni opnunina þann 23. mars 2010 hækkuðu tilboðin. Afstaða nefndarinnar var samt sem áður að hafna ætti báðum tilboðum þar sem þau væru undir fasteignamati og verðmati fasteignasala og þar af leiðandi ekki viðundandi enda hafi sveitarfélagið verið að selja húseignir frá sér nú nýlega á fasteignamatsverði. Ríkissjóður er meirihluta eigandi í báðum fasteignum með 75 % eignarhlut og er það vilji ríkissjóðs að samþykkja tilboð hæstbjóðenda í fasteignirnar eða að öðrum kosti að Fjarðabyggð gangi inn í tilboðin og leysi fasteignirnar til sín. Þar sem ekki er grundvöllur fyrir því að Fjarðabyggð geti það vegna fjárhagsstöðu þá telur nefndin að sveitarfélagið sem minnihlutaeigandi geti ekki staðið í vegi fyrir  sölu á þessum fasteignum, þó að nefndin sé sannfærð um að verðmæti sé hærra en tilboðin sem liggja á borðinu.  Bæjarráð er ósátt við tilboðsverð í báðar húseignirnar en sem minnihlutaeigandi telur það sig ekki geta staðið á móti sölu þeirra. Bæjarráð samþykkir því að selja báðar húseignirnar. <?xml:namespace prefix = o />

4. 4. Yfirfærsla málefna fatlaðra frá ríki til sveitarfélaga

   Mál 1002097 Allur ferill málsins

   Þennan lið fundarins sátu Hildur Ýr Gísladóttir félagsmálafulltrúi, Sigrún Þórarinsdóttir félagsmálastjóri, Soffía Lárusdóttir fulltrúi í starfshópi um tilfærslu málefna fatlaðra til sveitarfélaganna og Þorvaldur Jóhannsson framkvæmdastjóri SSA og starfsmaður hópsins.  Farið var yfir forsögu málsins, vinnu starfshópsins og skiptingu kostnaðar milli sveitarfélaganna eins og kostnaður er í dag.  Farið var yfir tillögu til aukaaðalfundar SSA 19.apríl 2010 vegna yfirfærslu á málefnum fatlaðra til sveitarfélaga.

5. 5. Aukaaðalfundur SSA 19.apríl 2010

   Mál 1003068 Allur ferill málsins

   Lögð fram tillaga stjórnar SSA til aukaaðalfundar SSA 19.apríl 2010 vegna framtíðarskipulags á samstarfi sveitarfélaga og stoðstofnana á Austurlandi.

6. 6. Reykjavíkurflugvöll áfram í Vatnsmýrinni

   Mál 1003129 Allur ferill málsins

   Bréf Félags íslenskra atvinnuflugmanna frá 25.mars þar sem sveitarfélög og bæjarfélög eru hvött til vinna að því að núverandi staðsetning Reykjavíkurflugvallar verði til frambúðar í samræmi við fyrri ályktanir FÍA.  Ennfremur eru samgönguyfirvöld hvött í bréfinu til að hefja nú þegar byggingu nýrrar samgöngumiðstöðvar í Vatnsmýrinni.

7. 7. Viðtalstími bæjarfulltrúa 25.mars 2010

   Mál 1003136 Allur ferill málsins

   Minnisblað Jens Garðars Helgasonar agt fram og vísað til hlutaðeigandi sviða sem sjá munu um að svara fyrirspurnum.

8. 8. Rannsókn á gasmyndun á urðunarstað Fjarðabyggðar í Þernunesi

   Mál 1003112 Allur ferill málsins

   Bréf sambandsins frá 22.mars þar sem m.a. er óskað eftir að Fjarðabyggð verði þátttakandi í rannsóknarverkefni um gasmyndun á urðunarstað í Þernunesi og borgi hluta kostnaðar.  Bæjarráð óskar eftir umsögn frá umhverfisfulltrúa.

9. 9. Breyting á gjaldskrá safnanna

   Mál 1003092 Allur ferill málsins

   Minnisblað forstöðumanns Safnastofnunar. Bæjarráð samþykkir breytingar á gjaldskrá.

10. 10. Fundagerð 773.stjórnarfundar Sambands íslenskra sveitarfélaga

    Mál 1004012 Allur ferill málsins

    Fundargerð lögð fram til kynningar.

11. 11. Ársreikningur Fjarðabyggðar 2009

    Mál 1004016 Allur ferill málsins

    Þennan lið fundarins sátu fjármálastjóri, fyrrverandi fjármálastjóri, og Magnús Jónsson og Sigurjón Arnarson frá KPMG. Farið var yfir stöðu við vinnu við ársreikning 2009.  Bæjarráð samþykkir tillögur endurskoðenda að breytingum á framsetningu ársreikningsins. Ársreikningurinn verður kynntur í bæjarráði á næsta fundi 20.apríl en fyrri umræða verður í bæjarstjórn 29.apríl og síðari umræða 6.maí.

12. 12. Afleiðu- og gjaldeyrissamningar við Landsbankann

    Mál 1004011 Allur ferill málsins

    Þennan lið fundarins sátu fjármálastjóri, fyrrverandi fjármálastjóri og Magnús Jónsson og Sigurjón Arnarson frá KPMG. Farið var yfir stöðu málsins og rætt.  Fjármálasviði falið að vinna áfram að lausn málsins.