Beint í efni
Hnotskurninn

NefndirBæjarráð

Bæjarráð, fundur 162

15. september 2009, kl. 09:00 til 11:00, í fundarsal á bæjarskrifstofunum að Hafnargötu 2 á Reyðarfirði. Fundargerð ritaði Gunnlaugur Sverrisson.

Þessi fundargerð á öðrum fundum

Dagskrá

  1. 1. Samningur vegna reiðskemmu

    Mál 0909015 Allur ferill málsins

    Fulltrúar hestamannafélagsins Blæs þeir Guðbjartur Hjálmarsson og Guðröður Hákonarson sátu þennan lið fundarins. Samkvæmt samningi milli Blæs og landbúnaðarráðuneytis þarf að hefja byggingu reiðskemmu í haust.  Bæjarráð sammála um að leita allra leiða til þess að af byggingu geti orðið. Bæjarstýru falið að undirbúa málið fyrir næsta fund.

  2. 2. Aðbúnaður barna og starfsmanna á leikskólanum Sólvöllum

    Mál 0909028 Allur ferill málsins

    Framlagt minnisblað mannvirkjastjóra og fræðslustjóra frá 14.9. vegna framkvæmda við leikskólann Sólvelli. Minnisblaðið er framlagt vegna misvísandi umfjöllunar um málið síðustu daga. Mannvirkjastjóri og fræðslustjóri sátu þennan lið fundarins og fóru yfir framkvæmdir síðustu daga. Einnig var rætt um biðlista og málefni dagforeldra í Neskaupstað.

  3. 3. Fyrirspurn um bílastæði við sundlaug Norðfjarðar

    Mál 0906071 Allur ferill málsins

    Mannvirkjastjóri sat þennan lið fundarins og fór yfir aðgengismál við sundlaugina í Neskaupstað.   Bæjarráð óskar eftir nánari útfærslu og kostnaðargreiningu frá mannvirkjasviði fyrir næsta fund.

  4. 4. Notkun á félagsheimilinu Valhöll

    Mál 2009-02-10-194 Allur ferill málsins

    Mannvirkjastjóri sat þennan lið fundarins. Framlagt minnisblað umsjónarmanns fasteigna frá 15.9. um mögulegan flutning félagsmiðstöðvarinnar Knellunnar á efri hæð gömlu bæjarskrifstofunnar að Strandgötu 49 Eskifirði. Bæjarráð sammála um að félagsmiðstöðin Knellan flytji í desember nk. Mannvirkjastjóra falið að segja upp leigusamningi vegna núverandi húsnæðis Knellunnar.

  5. 5. Félagsheimilið Valhöll - ósk um leigu

    Mál 0908039 Allur ferill málsins

    Tekið fyrir á næsta fundi.

  6. 6. Félagsheimilið Skrúður - ósk um leigu

    Mál 0908092 Allur ferill málsins

    Tekið fyrir á næsta fundi.

  7. 7. Sorpmál - Samstarf við Fljótsdalshérað

    Mál 0905099 Allur ferill málsins

    Bæjarráð samþykkir framlagða tillögu umhverfisstjóra um að mannvirkjastjóri, umhverfisstjóri og fjármálastjóri sitji í samráðshóp um urðunarmál f.h. Fjarðabyggðar. Guðmundur R. Gíslason tók ekki þátt í afgreiðslu málsins.

  8. 8. Tilnefning varamanns í MÍF.

    Mál 0909017 Allur ferill málsins

    Þorbergur Hauksson tekur sæti sem varamaður B-lista í MÍF.

  9. 9. Vinabæjarsamskipti á norðurlöndum

    Mál 0907052 Allur ferill málsins

    Lagt fram bréf borgarstjóra Jyvaskylka er varðar vinabæjarsamskipti. Bæjarráð sammála um að halda vinabæjarsamskiptum áfram og bæjarstýru falið að svara bréfi.

  10. 10. Aðalfundur SSA 2009

    Mál 0906103 Allur ferill málsins

    Framlögð dagskrá aðalfundar SSA sem haldinn verður 25. og 26.september á Seyðisfirði.

  11. 11. Atvinnuleysi í ágúst

    Mál 0909049 Allur ferill málsins

    Upplýsingar lagðar fram til kynningar.

  12. 12. Fundargerð öldrunarþjónustunefndar nr.13 frá 8.9.2009

    Fundargerðin í heild

    Fundargerð lögð fram.

  13. 13. Fundargerð mannvirkjanefndar nr.21 frá 7.9.2009

    Fundargerðin í heild

    Fundargerð lögð fram.

  14. 14. Fundargerð hafnarstjórnar nr.62 frá 8.9.2009

    Fundargerðin í heild

    Fundargerð lögð fram.