Bæjarráð, fundur 158

Dagskrá

1. 1. Endurskoðun fjárhagsáætlunar 2009 - Hagræðingarleiðir

   Mál 0903140 Allur ferill málsins

   Þennan lið sátu fjármálastjóri, umhverfisstjóri og fræðslustjóri. Fjármálastjóri fór yfir hagræðingarmöguleika í einstökum málaflokkum auk þess sem umhverfisstjóri og fræðslustjóri fóru yfir sína málaflokka. Fjármálastjóra og umhverfisstjóra falið að útfæra fyrirkomulag og mögulega gjaldtöku vegna aksturs í VA og á sameiginlegar íþróttaæfingar.  Bæjarráð samþykkir framlagðar tillögur um 10% hækkun á gjaldskrá leikskóla, tónlistarskóla og skóladagheimila auk 10% hækkunar á gjaldi fyrir skólamáltíðir. Niðurgreiðsla annarrs barns á leikskóla verður 50% og þriðja barns 100% Gjaldskrár hafa ekki hækkað frá 1.1.2008 en vísitala neysluverðs hefur hækkað um 22,25% á sama tímabili.

2. 2. Tekjur Fjarðabyggðar fyrstu sex mánuði árins 2009

   Mál 0908029 Allur ferill málsins

   Þennan lið sat fjármálastjóri. Lagt fram yfirlit yfir stöðu á tekjuliðum fyrstu sex mánuði ársins.

3. 3. Íslandsdagar í Gravelines

   Mál 0908033 Allur ferill málsins

   Framlögð samstarfsyfirlýsing Minjaverndar, Fjarðabyggðar, Gravelines og Alliance Francais um endurbyggingu Franska spítalans á upprunalegum slóðum á Fáskrúðsfirði. Bæjarráð samþykkir samstarfsyfirlýsinguna fyrir sitt leyti og felur bæjarstýru að fylgja henni eftir.

4. 4. Fundargerð hafnarstjórnar nr. 61 frá 12.8.

   Mál 0908028 Allur ferill málsins

   Bæjarráð samþykkir fundargerð hafnarstjórnar frá 12.8. og jafnframt að úthluta Vélaverkstæði Hjalta Einarssonar lóð nr. 10 við Hraun. Lóð nr.10 er úthlutað í stað lóðarinnar nr. 6, sem jafnframt er skilað, en lóðin reyndist ófullnægjandi að stærð.

5. 5. Sameiginlegur fundur Fjarðabyggðar og Alcoa Fjarðaáls

   Mál 0908034 Allur ferill málsins

   Framlögð dagskrá sameiginlegs fundar stjórnenda Alcoa Fjarðaáls og Fjarðabyggðar sem haldinn verður 25.8.

6. 6. Skólaþing sveitarfélaga

   Mál 0908030 Allur ferill málsins

   Skólaþing Sambands íslenskra sveitarfélaga verður haldið 2.11. í Reykjavík.

7. 7. Málþing um SSA og svæðasamvinnu sveitarfélaga

   Mál 0908031 Allur ferill málsins

   Haldið verður málþing 26.8. kl.15:00 - 19:00 á Hótel Héraði um samstarf sveitarfélaga í SSA og svæðasamvinnu stoðstofnana á Austurlandi.

8. 8. Málefni læknishússins á Fáskrúðsfirði

   Mál 0908032 Allur ferill málsins

   Tölvupóstur Líneikar Önnu Sævarsdóttur frá 7.8. er varðar ýmsan búnað í Ráðhúsinu á Fáskrúðsfirði. Bæjarráð felur mannvirkjasviði afgreiðslu málsins.

9. 9. Rafvæðing bílaflota landsmanna

   Mál 0908035 Allur ferill málsins

   Beiðni Northern Lights Energy ehf.,vegna verkefnisins "2012 Nýtt upphaf", um samstarf við Fjarðabyggð vegna rafvæðingar á bílaflota landsmanna.  Bæjarráð óskar umsagnar mannvirkjasviðs.

10. 10. 740 Strandgata 43 - verðmat

    Mál 0908020 Allur ferill málsins

    Framlagt minnisblað mannvirkjastjóra frá 10.8. vegna fasteigna í Neskaupstað.  Bæjarstýru falið að fylgja málinu eftir.

11. 11. Fundur bæjarstýru í Sjávarútvegs- og landbúnaðarráðuneyti

    Mál 0908036 Allur ferill málsins

    Bæjarstýra gerði grein fyrir fundi sínum með ráðuneytisstjóra sjávarútvegs- og landbúnaðarráðuneytis.

12. 12. Bréf frá Vága kommuna

    Mál 0908043 Allur ferill málsins

    Bréf Vága kommuna frá 1.8. er varðar vinabæjarsamskipti við Fjarðabyggð.