Beint í efni
Hnotskurninn

NefndirBæjarráð

Bæjarráð, fundur 155

14. júlí 2009, kl. 09:00 til 11:00, í fundarsal á bæjarskrifstofunum að Hafnargötu 2 á Reyðarfirði. Fundargerð ritaði Gunnlaugur Sverrisson.

Dagskrá

  1. 1. Málefni Björgunarsveitarinnar Ársólar Reyðarfirði

    Mál 0907017 Allur ferill málsins

    Bréf Björgunarsveitarinnar Ársólar frá 1.7. þar sem farið er fram á fund með bæjarráði vegna styrkja til björgunarsveita.  Bæjarstýru falið að leggja fram gögn og tillögu að málsmeðferð styrkbeiðna fyrir næsta fund bæjarráðs. Fundað verði með björgunarsveitinni í framhaldinu.

  2. 2. Móttaka gesta frá Gravelines á Frönskum dögum 2009

    Mál 0907033 Allur ferill málsins

    Framlagt minnisblað ferða- og menningarfulltrúa frá 9.7. og drög að dagskrá vegna móttöku erlendra gesta á Frönskum Dögum.

  3. 3. Athugasemdir vegna b-gatnagerðargjalda

    Mál 0907006 Allur ferill málsins

    Bréf Magna Kristjánssonar er varðar álagningu b-gatnagerðargjalda. Tekið fyrir á næsta fundi.

  4. 4. Ályktun frá aðalfundi Fiskræktar- og veiðifélags Norfjarðarár sem haldinn var 27.6.2009

    Mál 0907018 Allur ferill málsins

    Umhverfisstjóri sat þennan lið fundarins. Bréf Fiskiræktar- og veiðifélags Norðfjarðarár frá 28.6. þar sem mótmælt er efnistöku úr Norðfjarðará.  Bæjarráð harmar þau mistök sem orðið hafa vegna efnistöku úr Norðfjarðará og felur umhverfisstjóra að koma afsökunarbeiðni á framfæri við Fiskiræktar- og veiðifélag Norðfjarðarár. Umhverfisstjóra og bæjarstýru jafnframt falið að eiga fund með hlutaðeigandi aðilum.

  5. 5. Efnistaka úr Norðfjarðará

    Mál 0907024 Allur ferill málsins

    Umhverfisstjóri sat þennan lið fundarins. Lagt fram til kynningar bréf Vegagerðarinnar frá 2.7. vegna efnistöku úr Norðfjarðará og tillögur til úrbóta.

  6. 6. Aðalskipulag Fjarðabyggðar 2007 - 2027

    Mál 0906102 Allur ferill málsins

    Umhverfisstjóri og byggingarfulltrúi sátu þennan lið fundarins. Aðalskipulagi Fjarðabyggðar 2007 - 2027 var á fundi umhverfis- og skipulagsnefndar 13.7. vísað til afgreiðslu bæjarráðs.  Umhverfisstjóri fór yfir þær breytingar sem gerðar voru við lokafrágang á aðalskipulaginu.Bæjarráð samþykkir aðalskipulag Fjarðabyggðar 2007 - 2027 með framkomnum breytingartillögum.

  7. 7. Geymsla á raflausn í geymsluskemmu

    Mál 0907031 Allur ferill málsins

    Umhverfisstjóri og byggingarfulltrúi sátu þennan lið fundarins. Bréf Alcoa-Fjarðaáls frá 6.7., þar sem tilkynnt er um geymslu á raflausn, lagt fram til kynningar.  Bæjarstýru og umhverfisstjóra falið að funda með Alcoa-Fjarðaáli á næstunni vegna þessa máls.

  8. 8. Samskipti dreifbýlis og þéttbýlis - Ráðstefna North Atlantic Forum í Bornholm 2009

    Mál 0907021 Allur ferill málsins

    Kynning á ráðstefnu sem haldin verður í Danmörku í september.

  9. 9. Starfsemi Þróunarfélags Austurlands

    Mál 0907029 Allur ferill málsins

    Bréf Þróunarfélags Austurlands frá 1.7. vegna athugasemda við starfsemi Þróunarfélags Austurlands og Atvinnuþróunarsjóðs Austurlands. Forstöðumanni stjórnsýslu falið að koma svari á framfæri við málshefjanda.

  10. 10. Fundargerð Skólaskrifstofu Austurlands

    Mál 0907030 Allur ferill málsins

    Fundargerð lögð fram til kynningar.

  11. 11. Málefni Golfklúbbs Eskifjarðar

    Mál 0906033 Allur ferill málsins

    Rætt um málefni Golfklúbbs Eskifjarðar.

  12. 12. Sveitarstjórnarkosningar 2010

    Mál 0907039 Allur ferill málsins

    Lagt fram til kynningar tilkynning um að sveitarstjórnarkosningar muni fara fram 29.5.2010.

  13. 13. Fundargerð félagsmálanefndar nr.22 frá 22.6.

    Mál 0907041 Allur ferill málsins

    Fundargerð samþykkt.

  14. 14. Fundargerð umhverfis- og skipulagsnefndar nr.32 frá 13.7.

    Fundargerðin í heild

    Fundargerð samþykkt.