Fjárhagsáætlun 2020 - viðauki 3 - fyrirspurn

Ferill málsins

• Málið var á dagskrá fundar
• Fundargerð með málinu lögð fram á öðrum fundi

1. 2020

   6. júlí 2020 Bæjarráð, fundur 670 liður 6

   Fjárhagsáætlun 2020 - viðauki 3

   Framlagður viðauki nr. 3 við fjárhagsáætlun Fjarðabyggðar fyrir árið 2020 um viðbrögð við kórónafaraldrinum, framkvæmdum við; nýjan vatnstank, Egilsbúð, Gamla barnaskóla, Skólamiðstöð Breiðdalsvík, götur, byggingu þjónustumiðstöðva, styrk til Sköpunarmiðstöðvar, kaupum á íþróttastúku, framlögum til hjúkrunarheimila, almannavarna og breytinga á framlögum Jöfnunarsjóðs.

   Lesa alla bókunina (154 orð til viðbótar)

   Samandregin hafa þessar breytingar áhrif að rekstrarútgjöld í A hluta hækka nettó um 216,4 m. kr., fjárfestingar í A hluta hækka um 38 m. kr. og eignasala í A hluta hækkar um 30 m. kr. auk þess sem lántaka í A hluta vex um 400 m. kr. Í B hluta hækka fjárfestingar um 243 m. kr. auk þess sem lántaka í B hluta vex um 100 m. kr. Samandregið sjóðsstaða áætluð í lok árs 2020 um 645 m. kr. eftir breytingar. Lántaka Eignarhaldsfélagsins Hrauns ehf. hækki um 400 m. kr. í fjárhagsáætlun ársins 2020 og verði 400 m. kr. á árinu 2020. Lántaka Vatnsveitu hækki um 100 m. kr. í fjárhagsáætlun ársins 2020 og verði 200 m. kr. á árinu 2020 Aukin lántaka Eignarhaldsfélagsins Hrauns ehf. og Vatnsveitu greiðist í gegnum viðskiptareikning sjóðanna við Aðalsjóð og eigið fé Aðalssjóðs hækki um sömu upphæð.

   Bæjarráð samþykkir í umboði bæjarstjórnar viðauka nr. 3 við fjárhagsáætlun 2020.

2. 10. júlí 2020 Bæjarráð, fundur 671 liður 5

   Fyrirspurn Sjálfstæðisflokks um áhrif viðauka 3 við fjárhagsáætlun 2020 og lögð fram greinargerð fjármálastjóra.

   Bókun frá fulltrúum Sjálfstæðisflokks og Miðflokks:

   Lesa alla bókunina (423 orð til viðbótar)

   Fulltrúar Sjálfstæðisflokks og Miðflokks lýsa yfir þungum áhyggjum af fjármálum sveitarfélagsins. Horfið hefur verið frá grunnmarkmiðum fjárhagsáætlunar en markmið hennar hefur verið að tryggja að bæjarsjóður standi undir afborgunum lána ásamt öðrum skuldbindingum með því að gæta að jafnvægi sé á milli tekna og gjalda. Lækki tekjur þarf að tryggja að gjöld lækki á móti, svo að sveitarfélagið sé ekki rekið með tapi. Hallarekstur grefur undan rekstrargrundvelli til bæði skemmri og lengri tíma litið. Síðara markmið undanfarinna fjárhagsáætlana hefur verið það að taka ekki ekki lán fyrir rekstri sem vikið hefur verið frá á þessu kjörtímabili til að mæta auknum útgjöldum sveitarfélagsins.

   Nauðsynlegt er að bregðast við aðstæðum hverju sinni með aðgerðum til að lina efnahagsáhrif eins og nú vegna veirufaraldursins en fyrirhugaðar lántökur og aukin rekstrargjöld undanfarin misseri eru einungis að hluta til vegna aðgerða til að bregðast við efnahagslegum áhrifum veirufalaldursins. Verkefni fara ítrekað langt fram úr áætlunum án þess að brugðist sé við í tæka tíð samhliða því að rekstrarkostnaður hefur verið að aukast án þess að tekjur verði á móti. Nauðsynlegt er að huga að viðsnúningi frá lántökum og til sjálfbærari reksturs sveitarfélagsins enda er sveitarfélaginu "skylt að vinna áfram að lækkun skuldaviðmiða, m.a. til að lækka vaxtargreiðslur og afborganir og hafa þannig aukið svigrúm til að auka þjónustu og byggja upp innviði sveitarfélagsins" eins og stendur í núgildandi fjárhagsáætlun Fjarðabyggðar.

   Bókun fulltrúa Fjarðalista og Framsóknarflokks:

   Fyrir liggur svar fjármálastjóra við spurningum Dýrunnar Pálu Skaptadóttur við áður samþykktri lántöku allra fulltrúa bæjarráðs á fundi 6. júlí 2020. Ljóst er að efnahagsleg áhrif Covid-19 munu verða veruleg fyrir ríki og sveitarfélög á þessu ári og mikil óvissa er uppi með framtíðina. Þá hefur faraldurinn áhrif á atvinnulífið með ýmsum hætti ásamt öðrum þáttum í umhverfinu sem aftur hafa dregið saman tekjur sveitarfélagsins. Á sama tíma er mikil þörf fyrir að haldið verði uppi atvinnustigi eins og kostur er og staðinn vörður um félagslega þjónustu fyrir íbúana sem á slíku þurfa að halda. Þetta eru þau markmið sem sveitarfélagið þarf að sinna núna og takast á við breytta stöðu hverju sinni með hag íbúa sinna og samfélagsins alls að leiðarljósi. Hvort sem það passar inn í exelskjal Sjálfstæðis- og Miðflokkssins í Fjarðabyggð sem nú virðast ætla í niðurskurð á þjónustu og framkvæmdum sveitarfélagsins þegar óljóst er hvert samfélagið á Íslandi stefnir og brýnt er að samstaða ríki um að spyrna við fótum og halda vel utan um íbúana.

   Þá er vert að hafa í huga að ríki og sveitarfélög eru nú að auka lántöku til að bregðast við þessum fordæmalausu aðstæðum.

3. 20. ágúst 2020 Bæjarstjórn, fundur 295 liður 2.6

   Fundargerðin „Bæjarráð - 670“ var lögð fram á fundinum. Málið er liður í henni.

   Fjárhagsáætlun 2020 - viðauki 3

   Opinber fundargerð á fjardabyggd.is

4. 20. ágúst 2020 Bæjarstjórn, fundur 295 liður 3.5

   Fundargerðin „Bæjarráð - 671“ var lögð fram á fundinum. Málið er liður í henni.

   Opinber fundargerð á fjardabyggd.is