Snjóflóð á Vestfjörðum og ofanflóðavarnir
Mál 2001132 Á dagskrá 20. janúar 2020. 1 færsla í fundargerðum hjá: Bæjarráð.
Í heiti málsins: Umhverfi og veitur
Um þetta mál hefur ekki verið skrifað yfirlit. Ferillinn hér fyrir neðan er tekinn beint úr fundargerðum, án endursagnar.
Ferill málsins
- Málið var á dagskrá fundar
- Fundargerð með málinu lögð fram á öðrum fundi
-
2020
Bæjarráð, fundur 647 liður 8
Bæjarráð Fjarðabyggðar sendir íbúum Flateyrar, Suðureyrar og Vestfirðingum öllum hlýjar kveðjur vegna snjóflóðanna í liðinni viku. Mikil mildi var að ekki varð manntjón en ljóst er að eignatjón er mikið. Þá um leið var ánægjulegt að sjá að ofanflóðavarnir stóðust áraunina og skiptu sköpum í að verja byggðina á Flateyri og sýndu þannig hversu ómetanlegar þær framkvæmdir eru fyrir samfélögin sem búa við náttúruvá eins og ofanflóð. Bæjaryfirvöld í Fjarðabyggð hafa bent á og barist fyrir því um langt árabil að framkvæmdum við ofanflóðavarnir sé framhaldið og farið eftir lögum þar um. Núgildandi lög kveða á um að vörnum sé lokið á þessu ári en langt í frá er að því verði lokið. Það er algerlega ólíðandi að fjármagn það sem aflað hefur verið í Ofanflóðsjóð frá upphafi hans hafi ekki verið nýtt til uppbyggingar ofanflóðamannvirkja og við verður ekki unað lengur. Því áréttar bæjarráð Fjarðabyggðar enn einu sinni við stjórnvöld að nú verður að setja kraft í uppbyggingu mannvirkja og áætlun um slíkt þarf að koma fram strax.