Samningur um félagsstarf eldri borgara í Neskaupstað
Mál 1606028 Fyrst á dagskrá 9. maí 2017, síðast 1. júní 2017. 4 færslur í fundargerðum hjá: Bæjarráð, Bæjarstjórn, Félagsmálanefnd.
Í heiti málsins: Neskaupstaður og Norðfjörður
Um þetta mál hefur ekki verið skrifað yfirlit. Ferillinn hér fyrir neðan er tekinn beint úr fundargerðum, án endursagnar.
Ferill málsins
- Málið var á dagskrá fundar
- Fundargerð með málinu lögð fram á öðrum fundi
-
2017
Félagsmálanefnd, fundur 94 liður 10
Samkvæmt 40. gr. laga um félagsþjónustu sveitarfélaga skal sveitarfélag tryggja öldruðum aðgang að félags- og tómstundastarfi við þeirra hæfi.
Í Neskaupstað hefur Fjarðabyggð haldið úti félagsstarfi í Breiðabliki. Starfsemin þar hefur með árunum þróast í að þangað mæta aðeins íbúar Breiðabliks og helst í þeim tilgangi að taka í spil.
Á sama tíma hefur Félag eldri borgara á Norðfirði verið með fjölbreytta og vel skipulagða dagskrá í Sigfúsarhúsi fyrir félagsmenn.
Lesa alla bókunina (97 orð til viðbótar)
Viðræður hafa verið á milli Fjölskyldusviðs og stjórnar Félags eldri borgara á Norðfirði um að gera með sér sams konar þjónustusamning og félögin á Eskifirði og Fáskrúðsfirði hafa gert, þannig að Félag eldri borgara í Neskaupstað taki að sér að tryggja öldruðum í Neskaupstað aðgang að félags- og tómstundastarfi við þeirra hæfi sbr. ákvæði í 40. gr. laga um félagsþjónustu sveitarfélaga.
Á fundi Félagsmálastjóra og stjórn Félags eldri borgara á Norðfirði var
samþykkt að ganga til samninga fyrir næsta starfstímabil með fyrirvara um
samþykki félagsmálanefndar og bæjarráðs.
Félagsmálanefnd samþykkir samninginn og vísar honum til bæjarráðs til staðfestingar.
-
Bæjarstjórn, fundur 223 liður 7.10
Fundargerðin „Félagsmálanefnd - 94“ var lögð fram á fundinum. Málið er liður í henni.
-
Bæjarráð, fundur 522 liður 5
Framlögð drög að þjónustusamningi á milli Fjarðabyggðar og Félags eldri borgara á Norðfirði um að félagið taki að sér að tryggja öldruðum í Neskaupstað aðgang að félags- og tómstundastarfi við þeirra hæfi sbr. ákvæði í 40. gr. laga um félagsþjónustu sveitarfélaga. Félagsmálanefnd hefur fjallað um samning og vísar honum til staðfestingar bæjarráðs.
Bæjarráð staðfestir samninginn og felur bæjarstjóra undirritun hans.
-
Bæjarstjórn, fundur 224 liður 1.5
Fundargerðin „Bæjarráð - 522“ var lögð fram á fundinum. Málið er liður í henni.