Deiliskipulag Neseyri

Ferill málsins

• Málið var á dagskrá fundar
• Fundargerð með málinu lögð fram á öðrum fundi

1. 2010

   22. mars 2010 Mannvirkjanefnd, fundur 31 liður 1

   Neseyri - deiliskipulag

   Lagt var fram minnisblað frá Mannviti hf. um kostnað við tvo kosti, og þar kom fram að kostur 2, sem felur í sér að Nesgata færist niður fyrir fyrirhugaðan leikskóla, er rúmlega 61 milljón króna dýrari en kostur 1, en nefndin taldi kost 2 frekar koma til greina og vísaði áliti sínu til umhverfis- og skipulagsnefndar.

   Endursögn gervigreindar

   Lagt fram fyrir nefndina minnisblað dagsett, 9. mars 2010 unnið af Mannviti hf. fyrir mannvirkjasvið Fjarðabyggðar. Í minnisblaði er farið yfir kostnað við tvo kosti varaðandi deiliskipulagið á Neseyrinni. Kostur 1 er að staðsetning Nesgötu og leikskóla verði samkvæmt auglýstu deiliskipulagi, kostur 2 er að Nesgata færist niður fyrir fyrirhugaðan leikskóla og færi í raun neðan við slysavarnarhús og verkstæði G. Skúlasonar. Kostnaðarmunur þessra tveggja möguleika er að kostur 2 er rúmlega 61 milljón dýrari. Eins og áður sagði þá er búið að auglýsa deiliskipulagið og komu nokkrar athugasemdir við það sem allar snérust um það sama, þ.e. að færa Nesgötu niður fyrir leikskólann. Mannvirkjanefnd sér frekar fyrir sér að kostur 2 verði fyrir valinu og vísar því áliti til umhverfis- og skipulagsnefndar.

2. 2013

   15. apríl 2013 Bæjarráð, fundur 335 liður 2

   740 - Deiliskipulag Neseyri

   Lögð var fram umferðaröryggisúttekt Mannvits á Nesgötu og bæjarráð fól eigna-, skipulags- og umhverfisnefnd að útfæra fleiri tillögur að deiliskipulagi og ræða við aðila sem tengjast uppbyggingu nýs leikskóla.

   Endursögn gervigreindar

   Lögð fram umferðaröryggisúttekt á Nesgötu í Neskaupstað vegna fyrirhugaðs leikskóla dagsett 3. apríl 2013. Úttektin var unnin af verkfræðistofunni Mannvit. Eigna-, skipulags- og umhverfisnefnd vísaði úttektinni til umræðu í bæjarráði og óskar jafnframt eftir umsögn bæjarráðs og fræðslu- og frístundanefndar.

   Bæjarráð felur eigna-, skipulags- og umhverfisnefnd að útfæra fleiri tillögur að deiliskipulögum og jafnframt að ræða við hlutaðeigandi aðila tengdum uppbyggingu nýs leikskóla.

   Bókun frá Elvari Jónssyni vegna deiliskipulags á Neseyri.

   Undirritaður ítrekar þá afstöðu sína sem áður hefur verið bókuð, m.a. á bæjaráðsfundi nr. 314, að Nesgata færist suður fyrir fyrirhugaðan leikskóla áður en nýtt leikskólahúsnæði verður tekið í notkun. Úttektin breytir ekki þeirri afstöðu.

3. 18. apríl 2013 Bæjarstjórn, fundur 133 liður 3.2

   Fundargerðin „Bæjarráð - 335“ var lögð fram á fundinum. Málið er liður í henni.

   740 - Deiliskipulag Neseyri

   Opinber fundargerð á fjardabyggd.is

4. 2014

   6. febrúar 2014 Bæjarstjórn, fundur 149 liður 4

   740 - Deiliskipulag Neseyri

   Bæjarstjórn samþykkti með 9 atkvæðum að auglýsa tillögu að deiliskipulagi Neseyrar, sem gerir meðal annars ráð fyrir átta deilda leikskóla við Nesgötu 14, fleiri íbúðarhúsalóðum og að iðnaðarstarfsemi við Nesgötu og Eyrargötu sé víkjandi.

   Endursögn gervigreindar

   Forseti bæjarstjórnar fylgdi deiliskipulagstillögunni úr hlaði.

   Bókun Fjarðalistans varðandi fund bæjarstjórnar nr. 149, lið nr. 4

   Lesa alla bókunina (160 orð til viðbótar)

   Bæjarfulltrúar Fjarðalistans geta ekki samþykkt tillögu að deiliskipulagi Neseyrar eins og það liggur núna fyrir. Ástæða þess er sú að ekki er gert ráð fyrir færslu Nesgötu suður fyrir fyrirhugaða leikskólabyggingu á Norðfirði. Taka bæjarfullrúar Fjarðalistans undir bókarnir Stefáns Márs Guðmundsssonar og Gunnars Ásgeirs Karlssonar sem þeir lögðu fram á fundi Eigna-, skipulags- og umhverfisnefndar nr. 85 þess efnis. Bæjarfulltrúum Fjarðalistans hefur ekki orðið ágengt í því að fá færslu vegarins inn á áætlanir þrátt fyrir að hafa ítrekað afstöðu sína í þessu máli.

   Bæjarfulltrúar Fjarðalistans.

   Bæjarstjórn samþykkir með 9 atkvæðum að auglýsa tillögu að deiliskipulagi Neseyrar. Tillagan er sett fram á uppdrætti með greinargerð, dags. 6. janúar 2014. Tillagan afmarkast af íbúðar- og þjónustusvæði neðan Nesgötu milli Nesgötu 4 og 34 og felur meðal annars í sér að gert er ráð fyrir átta deilda leikskóla við Nesgötu 14, bætt er íbúðarhúsalóðum og að iðnaðarstarfsemi við Nesgötu og Eyrargötu sé víkjandi. Tillagan verði auglýst í samræmi við 41. gr. skipulagslaga.

5. 10. apríl 2014 Bæjarstjórn, fundur 153 liður 16

   740 - Deiliskipulag Neseyri

   Bæjarstjórn samþykkti deiliskipulag Neseyrar með 6 atkvæðum gegn 3, með þeim breytingum sem fram koma á uppdrætti og í umsögn skipulags- og byggingarfulltrúa frá 31. mars 2014.

   Endursögn gervigreindar

   Forseti bæjarstjórnar fylgdi deiliskipulagstillögunni úr hlaði.

   Til máls tóku: Elvar Jónsson, Jón Björn Hákonarson, Jens Garðar Helgason.

   Bókun Fjarðalistans:

   Lesa alla bókunina (221 orð til viðbótar)

   Við undirrituð, bæjarfulltrúar Fjarðalistans, getum ekki samþykkt tillögu að deiliskipulagi Neseyrar. Ástæða þess er sú að ekki er gert ráð fyrir færslu Nesgötu suður fyrir fyrirhugaða leikskólabyggingu á Norðfirði. Færsla vegarins er mikið forgangsmál, að mati undirritaðra, út frá öryggis-, skipulags- og fjárhagslegum sjónarmiðum og er þessi skoðun m.a í samræmi við einróma álit og greinargerð fræðslu- og frístundanefndar. Þrátt fyrir að hafa fært ítrekað fyrir þessu rök á fundum bæjarsjórnar hefur undirrituðum ekki orðið ágengt í því að fá færslu vegarins inn á áætlanir og skipulag. Að öðru leyti vísum við til bókana fulltrúa Fjarðalistans í bæjarstjórn (m.a. á fundum nr.122, nr.123, nr.142, nr.144, nr.149), bæjarráði (m.a. nr.314 og nr.365) og eigna,- skipulags- og umhverfisnefnd (m.a. nr. 80 og 85) og málflutnings okkar í umræðum í bæjarstjórn, m.a varðandi stækkunarmöguleika leikskólabyggingarinnar en við teljum færslu vegarins alls ekki þurfa að koma í veg fyrir þá möguleika.

   Elvar Jónsson, Eydís Ásbjörnsdóttir, Esther Ösp Gunnarsdóttir (sign)

   Bæjarstjórn samþykkir með 6 atkvæðum deiliskipulag Neseyrar á Norðfirði, skipulagsuppdráttur með greinagerð dags. 27. janúar 2014 breytt 3. apríl 2014, með þeim breytingum sem fram koma á uppdrætti og í umsögn skipulags- og byggingarfulltrúa dags. 31. mars 2014. Málsmeðferð verði í samræmi við 42. gr. skipulagslaga þegar gögn hafa verið lagfærð í samræmi við samþykkt. Á móti eru Elvar Jónsson, Esther Ösp Gunnarsdóttir og Eydís Ásbjörnsdóttir.

6. 2016

   4. júlí 2016 Eigna-, skipulags- og umhverfisnefnd, fundur 148 liður 4

   Nefndin samþykkti fyrirliggjandi samkomulag, en efni þess kemur ekki fram í gögnunum.

   Endursögn gervigreindar

   Eigna- skipulags- og umhverfisnefnd samþykktir fyrlrliggjandi samkomulag.