Stjórn menningarstofu, fundur 1

Þessi fundargerð á öðrum fundum

• 19. febrúar 2024 Bæjarráð, fundur 834 liður 10

  Fundargerð stjórnar menningarstofu frá 13. febrúar tekin til umfjöllunar og afgreiðslu.

• 7. mars 2024 Bæjarstjórn, fundur 372 liður 7

  Fundargerðir stjórnar menningarstofu nr. 1 og 2 teknar til umfjöllunar og afgreiðslu saman.

  Engin tók til máls.

  Fundargerð stjórnar menningarstofu frá 13. febrúar er staðfest með 9 atkvæðum

Dagskrá

1. 1. Framtíð Íslenska Stríðsárasafnsins

   Mál 2206071 Allur ferill málsins

   Framlagt minnisblað um framtíð íslenska stríðsárasafnsins.

   Stjórn menningarstofu leggur til að sýning verði sett upp sbr. tillögu í minnisblaði í bragga á safninu. Þá leggur stjórn til að haldinn verði upplýsinga- og kynningarfundur þar sem framtíð Íslenska stríðsárasafnsins verði rædd út frá staðsetningu þess. Stjórn tekur málið að nýju fyrir á fundi sínum 27. febrúar og þá verði lögð fram kostnaðaráætlun um framkvæmdir vegna opnunar sýningar á árinu 2024. Jafnframt er málinu vísað til bæjarráðs varðandi fjármögnun endurbóta fyrir sumarið 2024. Varðandi framtíðarsýn safnsins þá leggur stjórnin áherslu á að niðurstaða verði fengin fyrir lok mars.

2. 2. Miðstöð héraðsskjalasafna um rafræna skjalavörslu

   Mál 2402021 Allur ferill málsins

   Framlagt og kynnt bréf vegna rafrænnar skjalavörslu og stofnunar félagsins Miðstöð héraðsskjalasafna um rafræna skjalavörslu (MHR)

3. 3. Erindi varðandi styrk til fornleifarannsókna í Stöðvarfirði

   Mál 2402019 Allur ferill málsins

   Vísað frá bæjarráði erindi félags áhugafólks um fornleifarannsóknir í Stöðvarfirði og styrkveitingar.

   Stjórnin hefur þegar samþykkt að veita styrk til fornleifarannsóknanna og stefnir á að heimsækja vettvang rannsóknanna í júní.

4. 4. Stafrænar aðgerðir gegn loftlagsbreytingum tengdar menningarlandslagi

   Mál 2402094 Allur ferill málsins

   Framlagður til kynningar tölvupóstur um verkefni á vegum Skriðuklausturs um stafrænar aðgerðir gegn loftlagsbreytingum tengdar menningarlandslagi.