Skipulags- og framkvæmdanefnd, fundur 61

Þessi fundargerð á öðrum fundum

• 25. júní 2026 Bæjarstjórn, fundur 418 liður 3

  Fundargerð skipulags- og framkvæmdanefndar nr. 61 frá 23. júní tekin til umfjöllunar og afgreiðslu.

  Til máls tóku: Þuríður Lillý Sigurðardóttir og Hjördís Helga Seljan Þóroddsdóttir.

  Fundargerð skipulags- og framkvæmdanefndar nr. 61 frá 23. júní er staðfest með 9 atkvæðum

Dagskrá

1. 1. Breyting á deiliskipulagi Dalur 1, íþróttasvæði

   Mál 2604231 Allur ferill málsins

   Breyting á deiliskipulagi Dalur 1, íþróttasvæði. Skipulags- og framkvæmdanefnd frestar málinu þar sem öll gögn lágu ekki fyrir.

2. 2. Deiliskipulag Leiru 1 Leirubakki 4 óveruleg breyting

   Mál 2605211 Allur ferill málsins

   Fyrir liggur beiðni frá Eskju um óverulega breytingu á deiliskipulagi þar sem leyfileg hámarksvegghæð á langhliðum byggingar er hækkuð úr 15 metrum í 16 metra. Skipulags- og framkvæmdanefnd samþykkir óverulega breytingu á deiliskipulagi og telur hana ekki hafa grenndaráhrif. Málinu er til bæjarstjórnar.

3. 3. Grenndarkynning - hjólabraut ofan Mýrahverfið í Neskaupstað

   Mál 2605020 Allur ferill málsins

   Grenndarkynningu lokið, engar athugasemdir bárust. Skipulags- og framkvæmdanefnd staðfestir fyrir sitt leyti niðurstöðu grenndarkynningar og vísar málinu til bæjarstjórnar.

4. 4. Byggingarleyfi Bakkagerði 11, 730 Reyðarfjörður

   Mál 2606155 Allur ferill málsins

   Umsókn um byggingarleyfi fyrir 8 íbúða fjölbýlishús við Bakkagerði 11, 730 Reyðarfirði. Skipulags- og framkvæmdanefnd samþykkir fyrirhugaðar framkvæmdir og felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

5. 5. Framkvæmdaleyfi efnistaka Dalsá, 751 Fáskrúðsfirði

   Mál 2606151 Allur ferill málsins

   Framkvæmdaleyfi efnistaka Dalsá, 751 Fáskrúðsfirði. Skipulags- og framkvæmdanefnd frestar málinu þar til frekari gögnum hefur verið skilað.

6. 6. Bygging vatnsaflsvirkjunarinnar Fannardalsvirkjun

   Mál 2606092 Allur ferill málsins

   Kynning á fyrirhugaðri virkjun í Fannardal, 741 Norðfirði. Skipulags- og framkvæmdanefnd þakkar kynninguna og telur eðlilegt að framkvæmdaraðili vinni næst tilkynningu og greinargerð vegna tilkynningarskyldrar framkvæmdar samkvæmt lögum um umhverfismat framkvæmda og áætlana. Þegar niðurstöður þeirrar vinnu liggja fyrir verður hægt að taka afstöðu til nauðsynlegra breytinga á aðalskipulagi og gerðar deiliskipulags vegna framkvæmdarinnar.

7. 7. Greinargerð um framkvæmdir ársins

   Mál 2604093 Allur ferill málsins

   Farið yfir helstu framkvæmdir ársins 2026. Skipulags- og framkvæmdanefnd þakkar ítarlega kynningu.

8. 8. Fjárhagsáætlun Fjarðabyggðar 2027

   Mál 2603185 Allur ferill málsins

   Vísað frá bæjarráði til nefnda og sviða Fjarðabyggðar endurskoðaðri tillögu að skipulagi vinnu við gerð fjárhagsáætlunar 2027 ásamt dagsetningum í ferlinu og felur þeim að hefja vinnu við áætlunargerðina til samræmis við sett tímamörk.

9. 9. Starfs- og fjárhagsáætlun skipulags- og framkvæmdanefndar 2027

   Mál 2606170 Allur ferill málsins

   Starfs- og fjárhagsáætlun skipulags - og framkvæmdanefndar 2027. Til umræðu. Skipulags- og framkvæmdanefnd felur sviðstjóra að vinna málið áfram.

10. 10. Nefndaskipan í Fjarðabyggð 2026 - 2030

    Mál 2605021 Allur ferill málsins

    Undirnefndir kosnar af höfuðnefndum og bæjarráði. Fjallskilanefnd Skipulags- og framkvæmdanefnd kýs fimm fulltrúar og jafn margir til vara í fjallskilanefnd. Fjallskilanefnd er skipulags- og framkvæmdanefnd til ráðuneytis um fjallskil og afréttarmál. Hún skal fjalla um fjallskil og afréttarmál í umboði skipulags- og framkvæmdanefndar. Fundargerðir fjallskilanefndar skulu lagðar fyrir skipulags- og framkvæmdanefnd áður en þær fá fullnaðarafgreiðslu í bæjarstjórn. Skipulags- og framkvæmdanefnd leggur til eftirfarandi nefndarmenn:

    Aðalmenn

    Þuríður Lillý Sigurðardóttir

    Steinn Björnsson

    Guðný Harðardóttir

    Sunna Júlía Þórðardóttir

    Marsibil Erlendsdóttir

    Varamenn

    Arnór Ari Sigurðsson

    Arnar Ingi Ármannsson

    Þórhalla Ágústsdóttir

    Gróa Jóhannsdóttir

    Óðinn Logi Þórisson

11. 11. Framkvæmdaleyfi hjólabraut

    Mál 2604161 Allur ferill málsins

    Umsókn um framkvæmdaleyfi fyrir hjólabraut. Skipulags- og framkvæmdanefnd samþykkir fyrirhugaðar framkvæmdir og felur skipulagsfulltrúa að gefa út framkvæmdaleyfi.