Menningar- og nýsköpunarnefnd, fundur 3

Dagskrá

1. 1. Stefnumótun vegna skemmtiferðaskipa 2018

   Mál 1807064 Allur ferill málsins

   Framkvæmdastjóri hafna og atvinnu- og þróunarstjori kynntu mat á stöðu og tækifærum tengdum komu skemmtiferðaskipa til Fjarðabyggðar. Hafnarstjórn óskar eftir afstöðu menningar- og nýsköpunarnefndar til málsins. Menningar- og nýsköpunarnefnd telur rétt að bíða eftir niðurstöðum frá vinnufundi hagsmunaaðila og eins telur nefndin vanta betri upplýsingar um mengun skipanna í umhverfinu.

2. 2. Sýnileiki Fjarðabyggðar, áhugaverðra staða og ferðaþjónustuaðila á internetinu

   Mál 1809018 Allur ferill málsins

   Lagt fram minnisblað varðandi sýnileika Fjarðabyggðar, ferðaþjónustuaðila og fyrirtækja á internetinu. Vinna við stefnumótun í ferðaþjónustu er fyrirhuguð á næstu mánuðum og verður minnisblaðið haft til hliðsjónar við þá vinnu.

3. 3. Útsýnispallur við Norðfjarðarvita

   Mál 1808154 Allur ferill málsins

   Bréf Páls Björgvins Guðmundssonar frá 28.ágúst, er varðar byggingu útsýnispalls við Norðfjarðarvita. Menningar- og nýsköpunarnefnd fagnar áhugaverðu erindi og bíður spennt eftir framhaldi þess.

4. 4. Málefni Tónlistarmiðstöðvar Austurlands 2018

   Mál 1803046 Allur ferill málsins

   Þórhallur Árnasonar hefur verið skipaður fulltrúi sóknarnefndar Eskifjarðarkirkju og Hildur Þórðardóttir fulltrúi Austurbrúar, í stjórn Tónlistarmiðstöðvar Austurlands.

5. 5. Starfs- og fjárhagsáætlun menningar- og nýsköpunarnefndar 2019

   Mál 1809013 Allur ferill málsins

   Lögð fram gögn vegna vinnu við fjárhagsáætlun ársins 2019. Gert er ráð fyrir að rekstrarniðurstaða málaflokks menningarmála verði um 225 milljónir. Lagt fram bréf fjármálastjóra þar sem kemur fram að launaáætlun skal skila fyrir 28. september og starfs-og fjárhagsáætlun einstakra málaflokka skal skila eigi síðar en 15. október. Gert er gert ráð fyrir fundi formanns nefndar og sviðsstjóra með bæjarráði 1. og 5.október. Tekið fyrir á næsta fundi.