Landbúnaðarnefnd, fundur 10

Dagskrá

1. 1. Skil á skýrslum um refa- og minkaveiðar á veiðiárinu 2012/2013

   Mál 1310058 Allur ferill málsins

   Lagt fram til kynningar minnisblað umhverfisfulltrúa vegna refa- og minkaveiða á árinu 2012/2013. Nefndin bendir á að ekki hefur verið veitt nægu fjármagni til málaflokksins, frá sveitarfélaginu og ríkinu, samkvæmt niðurstöðum veiðiskýrslna.

2. 2. Ósk um að verði reist ný fjárrétt í Eskifjarðardal

   Mál 1401125 Allur ferill málsins

   Bréf Þorsteins Snorra Jónssonar frá 10. janúar 2014 þar sem óskað er eftir að reist verði ný fjárrétt í Eskifjarðadal. Nefndin leggur til að samið verði við Vegagerðina um að reist verði aðhald í Eskifjarðardal í stað réttarinnar sem rifin var vegna framkvæmda við Norðfjarðargöng.

3. 3. Refa- og minkaveiði fyrirkomulag 2014

   Mál 1403094 Allur ferill málsins

   Lögð fram tillaga umhverfisfulltrúa að fyrirkomulagi refa- og minkaveiða 2014.

   Landbúnaðarnefnd samþykkir framlagða tillögu umhverfisfulltrúa og vísar henni til samþykktar í eigna-, skipulags- og umhverfisnefnd.

   Landbúnaðarnefnd leggur til við bæjarráð að sett verði það fjármagn í málaflokkinn sem þarf til svo að hægt verði sinna veiðunum á svipaðan hátt og síðustu ár.

4. 4. Lausaganga stórgripa

   Mál 1403118 Allur ferill málsins

   Nefndin ræddi lausagöngu búfjár í sveitarfélaginu og leggur til að banni við lausagöngu stórgripa í sveitarfélaginu verði þinglýst.

5. 5. Fyrirkomulag fjallskila og gjaldtaka vegna þeirra

   Mál 1403119 Allur ferill málsins

   Nefndin tók til umræðu það fyrirkomulag sem verið hefur vegna fjallskila í Fjarðabyggð. Nefndin telur heppilegast að byggja gjaldtöku á fyrri hefð. Þeir aðilar í sveitarfélaginu sem eiga fjárvon í löndum sveitarfélagsins leggja til mannskap til smölunar en að öðrum kosti greiði þeir fjallskilagjald 18.000 kr.