Fræðslunefnd, fundur 95

Þessi fundargerð á öðrum fundum

• 18. febrúar 2021 Bæjarstjórn, fundur 307 liður 5

  Til máls tók Einar Már Sigurðarson.

  Fundargerð fræðslunefndar frá 10. febrúar sl. staðfest með 9 atkvæðum.

Dagskrá

1. 1. Heimsókn í skóla Fjarðabyggðar

   Mál 2005171 Allur ferill málsins

   Fræðslunefnd heimsótti skólastjórnendur í Tónlistarskóla Eskifjarðar og Reyðarfjarðar, Grunnskóla Reyðarfjarðar og leikskólanum Lyngholti. Húsnæði og aðstaða voru skoðuð og rætt við skólastjórnendur um starfsemi skólanna. Fræðslunefnd þakkar skólastjórnendum fyrir góðar móttökur og óskar þeim farsældar í þeirra mikilvægu störfum.

2. 2. Málefni Skólaskrifstofu Austurlands 2021

   Mál 2102043 Allur ferill málsins

   Málefni Skólaskrifstofu Austurlands voru tekin til umræðu. Fundur var haldinn í stjórn Skólaskrifstofunnar þriðjudaginn 9. febrúar og þar kom fram að stefnt væri að því að færa skólaþjónustu Skólaskrifstofu Austurlands yfir til sveitarfélaganna frá og með 1. ágúst 2021. Fræðslunefnd leggur ríka áherslu á að unnið verði faglega að yfirfærslu þjónustunnar þannig að skólastarf í Fjarðabyggð hafi áfram aðgang að góðri og öflugri skólaþjónustu.

3. 3. Fundaáætlun fræðslunefndar vorið 2021

   Mál 2102023 Allur ferill málsins

   Fyrir liggja drög að fundaáætlun fræðslunefndar vegna fyrri hluta ársins 2021. Fræðslunefnd samþykkir fyrirliggjandi drög.

4. 4. Sundlaug Íþróttamiðstöðvar Reyðarfjarðar

   Mál 1908022 Allur ferill málsins

   Fræðslustjóri greindi frá fyrirkomulagi íþróttakennslu hjá nemendum í Grunnskóla Reyðarfjarðar árið 2021. Hafin er bygging á nýju íþróttahúsi og fyrirhuguð er viðgerð á sundlauginni á Reyðarfirði. Ákveðið hefur verið í samráði við ungmennafélagið Val og stjórnendur Grunnskóla Reyðarfjarðar að aka nemendum grunnskólans í sund á Eskifjörð vorið 2021 og kenna skólaíþróttir í núverandi íþróttahúsi þar til nýtt íþróttahús verður tekið í notkun seinni parts árs 2021, en þá verður tekið til við viðgerð á sundlauginni á Reyðarfirði og sund kennt þar á vorönn 2022. Lagt fram til kynningar.

5. 5. Bréf til fræðslunefndar

   Mál 2102022 Allur ferill málsins

   Bréf hefur borist frá foreldri barns á leikskóla, þar sem foreldri þakkar fagleg viðbrögð leikskóla, fræðslunefndar og bæjarstjórnar við styttingu vinnuvikunnar. Fræðslunefnd þakkar bréfritara fyrir bréfið og tekur undir mikilvægi þess að vel sé búið að rekstrarumhverfi leikskólans.

6. 6. Fræðslu- og frístundastefna - aðgerðaáætlun

   Mál 1805207 Allur ferill málsins

   Farið var yfir gildandi aðgerðaráætlun sem nær til áranna 2020-2022.