Fræðslunefnd, fundur 83

Þessi fundargerð á öðrum fundum

• 28. maí 2020 Bæjarstjórn, fundur 292 liður 8

  Fundargerðir fræðslunefndar teknar til umfjöllunar og afgreiðslu saman.

  Enginn tók til máls.

  Fundargerð fræðslunefndar frá 6. maí sl. staðfest með 9 atkvæðum.

Dagskrá

1. 1. Samráðsfundir og viðbrögð vegna coronaveiru COVID19

   Mál 2002090 Allur ferill málsins

   Vísað frá bæjarráði til kynningar í fræðslunefnd stöðumati og verkferlum hjá sveitarfélaginu vegna Covid-19. Bæjarráð þakkar starfsmönnum sveitarfélagsins sem og íbúum þess fyrir ómetanlegt framlag á þessum erfiðu tímum. Bæjarráð þakkar sérstaklega starfsmönnum skólastofnana, félags-, heimaþjónustu og hjúkrunarheimila fyrir þeirra störf.

   Aðgerðarhópur Fjarðabyggðar hefur hist daglega til að fara yfir stöðuna og almannavarnarnefnd Austurlands gegnir lykilhlutverki við undirbúning viðbragða og eftirfylgni.

   Fræðslustjóri fór yfir stöðuna í skólum Fjarðabyggðar nú þegar stórum hluta takmarkana hefur verið létt af skólastarfi. Skólastarf í Fjarðabyggð hefur gengið vel þökk sé nemendum og starfsmönnum skóla. Þjónusta skólanna í samkomubanni var mikil og nú er nær því full þjónusta í boði. Fræðslunefnd tekur undir þakkir bæjarráðs til nemenda, starfsfólks og íbúa.

2. 2. Viðspyrna af hálfu sveitarfélaga fyrir íslenskt atvinnulíf

   Mál 2003122 Allur ferill málsins

   Vísað frá bæjarráði til kynningar í fræðslunefnd erindi Sambands íslenskra sveitarfélaga um viðspyrnu af hálfu sveitarfélaga fyrir íslenskt atvinnulíf. Bæjarráð samþykkti tillögur sem fyrstu aðgerðir Fjarðabyggðar til viðspyrnu fyrir samfélagið vegna COVID-19 faraldursins á 656. fundi sínum þann 30. mars 2020. Lagt fram til kynningar.

3. 3. Ósk um flutning á skipulagsdegi

   Mál 2004165 Allur ferill málsins

   Fyrir liggur minnisblað með ósk frá starfsfólki leikskólans Lyngholts um breytingu á skóladagatali. Um er að ræða flutning á skipulagsdegi sem vera átti 6. apríl síðastliðinn og ákveðið var að fresta þar til síðar. Óskað er eftir að skipulagsdagurinn verði 2. júní. Dagurinn verður nýttur til þess að koma fyrir þeim búnaði sem verið hefur í geymslu vegna byggingaframkvæmda undangengin misseri. Fræðslunefnd samþykkir fyrrnefndar breytingar á skóladagatali.

4. 4. Ungt fólk - 8.-10.bekkur könnun

   Mál 2004161 Allur ferill málsins

   Fyrir liggja niðurstöður úr könnuninni Ungt fólk 2020, 8.,9. og 10. bekkur. Í rannsókninni var að þessu sinni bætt við spurningum um svefnvenjur, koffínneyslu og rafrettunotkun. Fræðslunefnd fór yfir niðurstöðurnar og felur skólastjórum grunnskóla að kynna þær nemendum og starfsfólki skóla. Einnig felur hún fræðslustjóra og sviðsstjóra fjölskyldusviðs að kynna niðurstöðurnar fyrir starfsmönnum fjölskyldusviðs og forvarnarteymi. Niðurstöðurnar nýtast skólunum og fjölskyldusviði vel við skipulagningu og þróun fræðslu- og frístundastarfs í sveitarfélaginu. Vísað til kynningar til ungmennaráðs og bæjarráðs.

5. 5. Niðurstöður úr Skólavoginni

   Mál 1311034 Allur ferill málsins

   Fyrir liggja niðurstöður úr Skólavoginni. Annars vegar er um að ræða foreldrakönnun leikskóla 2020 og hins vegar nemendakönnun 6.-10. bekkur 2019-2020. Kannanirnar hafa verið kynntar í skólum sveitarfélagsins og birtast á heimasíðum þeirra.

   Fræðslunefnd fór yfir niðurstöðurnar, en þær munu nýtast skólum Fjarðabyggðar og fjölskyldusviði vel við skipulagningu og þróun fræðslu- og frístundastarfs í sveitarfélaginu. Vísað til ungmennaráðs til kynningar.

6. 6. Starfs- og fjárhagsáætlun fræðslunefndar 2021

   Mál 2005020 Allur ferill málsins

   Rætt var um undirbúning fræðslunefndar að starfs- og fjárhagsáætlun ársins 2021. Fræðslustjóra og sviðsstjóra fjölskyldusviðs var falið að hefja vinnu við áætlunina með starfsfólki fjölskyldusviðs.