Fræðslunefnd, fundur 74

Þessi fundargerð á öðrum fundum

• 10. október 2019 Bæjarstjórn, fundur 276 liður 9

  Enginn tók til máls.

  Fundargerð fræðslunefndar, nr. 74 frá 2.október 2019, samþykkt með 8 atkvæðum.

Dagskrá

1. 1. Hvatning til sveitarstjórna í tengslum við Skólaþing sveitarfélaga 2019

   Mál 1909106 Allur ferill málsins

   Borist hefur erindi frá Sambandi íslenskra sveitarfélaga þar sem hvatt er til mætingar á Skólaþing sveitarfélaga 2019 sem haldið verður í Reykjavík mánudaginn 4. nóvember. Yfirskrift þingsins að þessu sinni er: Á réttu róli? Á skólaþinginu verður lögð áhersla á að skoða skipan skólakerfisins út frá ólíkum sjónarhornum og hvernig hún þjónar nemendum og áskorunum um menntun til

   framtíðar. Leitað verður til stjórnmálamanna, fræðimanna og skólafólks en síðast en ekki síst ungs fólks. Sambandið hefur, í samráði við Félag íþrótta-, æskulýðs- og tómstundafulltrúa sveitarfélaga, sent ungmennaráðum fjórar spurningar til umfjöllunar og óskað eftir því að þau taki þær til umfjöllunar og sendi sambandinu til baka niðurstöður sínar skriflega eða myndrænt. Ungmennaráð Fjarðabyggðar tekur þær fyrir á næsta fundi ráðsins. Fræðslunefnd samþykkir að senda þrjá fulltrúa á þingið, einn fulltrúa fræðslunefndar, fræðslustjóra og fulltrúa ungmennaráðs.

2. 2. Starfs- og fjárhagsáætlun fræðslunefndar 2020

   Mál 1904133 Allur ferill málsins

   Fræðslustjóri fór yfir vinnu við fjárhagáætlun 2020. Fræðslunefnd fjallaði um áherslur í starfsáætlun fyrir árið 2020 sem tekur mið af nýsamþykktri fræðslu- og frístundastefnu Fjarðabyggðar og samþykktri fjölskyldustefnu. Frekari umræðu frestað til næsta fundar.

3. 3. Stefnumörkun í fræðslu- og frístundamálum í Fjarðabyggð

   Mál 1808078 Allur ferill málsins

   Kynnt voru lokadrög að myndskreyttum bæklingi um fræðslu- og frístundastefnu Fjarðabyggðar. Fræðslunefnd hrósar starfshópi og hönnuðum fyrir vel unnin störf.