Fræðslunefnd, fundur 130

Þessi fundargerð á öðrum fundum

• 3. október 2023 Bæjarráð, fundur 816 liður 14

  Fundargerð fræðslunefndar frá 26. september lögð fram til umfjöllunar og afgreiðslu.

• 5. október 2023 Bæjarstjórn, fundur 360 liður 6

  Til máls tóku: Birgir Jónsson, Þórdís Mjöll Benediktsdóttir, Jón Björn Hákonarson.

  Fundargerð fræðslunefndar frá 26. september staðfest með 9 atkvæðum.

Dagskrá

1. 1. Starfs- og fjárhagsáætlun í fræðslumálum 2024

   Mál 2305048 Allur ferill málsins

   Stjórnandi fræðslumála og skólaþjónustu gerði grein fyrir niðurstöðu vinnu við gerð launaáætlunar fyrir árið 2024 í fræðslumálum. Fræðslunefnd felur stjórnanda fræðslumála og skólaþjónustu áframhaldandi vinnu við fjárhagsáætlun.

2. 2. Gjaldskrá frístundaheimila

   Mál 2309153 Allur ferill málsins

   Til umræðu var gjaldskrá frístundarheimila.

   Fulltrúi Sjálfstæðisflokksins leggur til að gjaldskrá frístundaheimila verði endurskoðuð með það fyrir augum að samræma gjaldskrá vegna vistunar umfram 6 klukkustundir í leik- og grunnskólum. Sérstaklega verði horft til þess að sveitarfélagið bjóði upp á fræðslustarf sem sé foreldrum að kostnaðarlausu en þjónusta umfram það sé gjaldskyld s.s. vistun og fæði. Gjaldskylda þarf því að taka mið af hefðbundnu skólastarfi og fara svo stigvaxandi eftir því sem dvalartíminn er lengri.

   Með þessu yrði horft til þess að auka sveigjanleika í dagvistun, draga úr álagi, auðvelda mönnun og styrkja faglegt starf.

   Frekari umræðu frestað til næsta fundar.

3. 3. Gjaldskrá húsnæðis grunnskóla

   Mál 2309157 Allur ferill málsins

   Til umræðu var gjaldskrá húsnæðis grunnskólanna. Frekari umræðu frestað til næsta fundar.

4. 4. Gjaldskrá leikskóla 2024

   Mál 2309160 Allur ferill málsins

   Til umræðu var gjaldskrá leikskólanna.

   Fulltrúi Sjálfstæðisflokksins leggur til að gjaldskrá leikskóla verði endurskoðuð með það fyrir augum að samræma gjaldskrá vegna vistunar umfram 6 klukkustundir í leik- og grunnskólum. Sérstaklega verði horft til þess að sveitarfélagið bjóði upp á fræðslustarf sem sé foreldrum að kostnaðarlausu en þjónusta umfram það sé gjaldskyld s.s. vistun og fæði. Gjaldskylda þarf því að taka mið af hefðbundnu skólastarfi og fara svo stigvaxandi eftir því sem dvalartíminn er lengri.

   Með þessu yrði horft til þess að auka sveigjanleika í dagvistun, draga úr álagi leikskóla, auðvelda mönnun og styrkja faglegt starf.

   Fulltrúar Framsóknar og Fjarðalista leggja til að stjórnandi fræðslumála og skólaþjónustu taki saman upplýsingar um þær leiðir sem hafa verið farnar í öðrum sveitarfélögum að undanförnu með það að markmiði að gjaldskrár Fjarðabyggðar endurspegli áherslur varðandi það að draga úr álagi á börn og starfsfólk leikskóla en um leið þarf að huga að því hvernig við mætum þörfum ólíkra hópa í samfélaginu og þeirri samfélagsgerð sem er hér.

   Frekari umræðu frestað til næsta fundar.

5. 5. Gjaldskrá tónlistarskóla 2024

   Mál 2309166 Allur ferill málsins

   Til umræðu var gjaldskrá tónlistarskóla. Frekari umræðu frestað til næsta fundar.