Bæjarráð, fundur 761

Þessi fundargerð á öðrum fundum

• 25. ágúst 2022 Bæjarstjórn, fundur 336 liður 5

  Fundargerð bæjarráðs frá 22 ágúst lögð fram til kynningar. Fundargerðir bæjarráðs eru lagðar fram sameiginlega til kynningar og umræðu en bæjarráð afgreiddi mál með fullnaðarafgreiðslu í sumarleyfi bæjarstjórnar.

Dagskrá

1. 1. Rekstur málaflokka 2022 - TRÚNAÐARMÁL

   Mál 2204062 Allur ferill málsins

   Lagt fram sem trúnaðarmál yfirlit yfir rekstur Fjarðabyggðar fyrstu sex mánuði ársins 2022, auk deildayfirlits fyrir sama tímabil.

2. 2. Fjárhagsáætlun Fjarðabyggðar 2023 - 2026

   Mál 2205271 Allur ferill málsins

   Lagt fram minnisblað og tillögur fjármálastjóra um tekju- og gjaldaforsendur fjárhagsáætlunar ársins 2023 og 3ja ára áætlunar fyrir árin 2024-2026. Vísað til áframhaldandi vinnu við gerð fjárhagsáætlunar fyrir árið 2023 og tekið fyrir á næsta fundi bæjarráðs.

3. 3. Álagning vatnsgjalds - breytt aðferð álagningar

   Mál 2002002 Allur ferill málsins

   Framlögð samantekt fjármálastjóra á hugmyndum um breytingu á álagningu vatnsgjalds í Fjarðabyggð frá 2020. Bæjarráð samþykkir að hefja vinnu við breytingu á framsetningu álagningar á vatnsgjaldi þar sem horft verður til stærðar eigna í sveitarfélaginu í stað verðmætis. Fjármálastjóra falið að hefja þá vinnu í tengslum við gerð fjárhagsáætlunar 2023.

4. 4. Ársreikningur Hitaveitu Fjarðabyggðar 2021

   Mál 2208075 Allur ferill málsins

   Ársreikningur Hitaveitu Fjarðabyggðar fyrir árið 2021 lagður fram til undirritunar. Ársreikningurinn hefur þegar verið samþykktur í samstæðureikningi Fjarðabyggðar.

5. 5. Grenndarkynning Hrauntún 3-5 og 7-13 raðhúsarlóð

   Mál 2208018 Allur ferill málsins

   Grenndarkynning vegna breytinga á lóðum Hrauntúni 1-9 á Breiðdalsvík lögð fram til samþykktar. Bæjarráð samþykkir grendarkynninguna.

6. 6. Bréf frá íbúasamtökum Stöðvarfjarðar

   Mál 2208086 Allur ferill málsins

   Lagt fram erindi frá íbúasamtökum Stöðvarfjarðar. Bæjarráð þakkar fyrir erindið og vísar því til umfjöllunar í mannvirkja og veitunefnd.

7. 7. Breyting á eldisfyrirkomulagi Fiskeldis Austfjarða í Fáskrúðsfirði

   Mál 2207037 Allur ferill málsins

   Skipulagsstofnun hefur óskað eftir umsögn vegna tilkynningar Fiskeldis Austfjarða hf. á breytingu á eldisfyrirkomulagi í Fáskrúðsfirði. Bæjarráð felur atvinnu- og þróunarstjóra að ganga frá umsögn í samræmi við fyrri umsagnir sveitarfélagsins.

8. 8. Fjölþætt heilsuefling fyrir eldri aldurshópa

   Mál 2004159 Allur ferill málsins

   Skráningar í heilsueflingu 65 ára og eldri hófust mánudaginn 8. ágúst og hafa 130 manns skráð sig. Upphaflega var fjárhagslegt samþykki fyrir 80 manns í verkefninu.

   Deildarstjóri óskar þess vegna eftir auka fjármagni til verkefnisins til að mæta aukinni eftirspurn og samkomulag liggur fyrir við Janus heilsueflingu varðandi það. Bæjarráð fagnar þessum mikla áhuga á verkefninu og samþykkir að veita 1.735.000 kr. til verkefnsins af liðnum óráðstafað.

9. 9. Íslandsdagar 23. til 26. september Gravelines

   Mál 2207002 Allur ferill málsins

   Gert er ráð fyrir að bæjarstjóri og forseti bæjarstjórnar sæki hátíðahöld þessa árs, ásamt fulltrúa frá skipulagsnefnd Franskra daga.

10. 10. Málefni brothættra byggða

    Mál 2103191 Allur ferill málsins

    Bæjarráð samþykkir að Stefán Þór Eysteinsson taki sæti Eydísar Ásbjörnsdóttur í starfshópi um verkefnið Brothættar byggðir á Stöðvarfirði.