Bæjarráð, fundur 750

Þessi fundargerð á öðrum fundum

• 5. maí 2022 Bæjarstjórn, fundur 331 liður 1

  Fundargerðir bæjarráðs teknar til umfjöllunar og afgreiðslu saman.

  Til máls tóku: Eydís Ásbjörnsdóttir, Jón Björn Hákonarson, Hjördís Helga Seljan Þóroddsdóttir.

  Fundargerð bæjarráðs frá 11. apríl staðfest með 9 atkvæðum.

Dagskrá

1. 1. Rekstur málaflokka 2022 - TRÚNAÐARMÁL

   Mál 2204062 Allur ferill málsins

   Lagt fram sem trúnaðarmál yfirlit yfir rekstur málaflokka og framkvæmdir fyrir janúar - febrúar og skatttekjur og launakostnað fyrir janúar - mars 2022.

2. 2. Grænn orkugarður á Reyðarfirði

   Mál 2108124 Allur ferill málsins

   Umræða um hugmynd að lóðaleigusamningi við CIP vegna græns orkugarðs á Reyðarfirði.

   Bæjarráð samþykkir drögin fyrir sitt leyti og felur bæjarstjóra að vinna áfram að samningi.

3. 3. Dalborg, hönnun á viðbyggingu

   Mál 2002039 Allur ferill málsins

   Farið yfir útfærslur í verksamningi við Launafl vegna viðbyggingar við leikskólann Dalborg á Eskfirði. Bæjarráð samþykkir útfærslur verksamnings og felur bæjarstjóra undirritun hans. Samningur verður lagður fram til kynningar á næsta fundi bæjarráðs.

4. 4. Sorphirða í Fjarðabyggð

   Mál 2204064 Allur ferill málsins

   Lagt fram minnisblað framkvæmdasviðs er varðar sorphirðu í Fjarðabyggð.

5. 5. Eistnaflug 2022

   Mál 2204048 Allur ferill málsins

   Erindi Eistnaflugs er varðar fyrirgreiðslu í tengslum við hátíðina en hún verður haldin dagana 5.-7.júlí. Um er að ræða beiðni um sömu hluti og í fyrri samningum sem gerðir hafa verið milli hátíðarinnar og bæjarins á liðnum árum.

   Vísað til vinnslu á stjórnsýslu- og þjónustusviði.

6. 6. Sveitarstjórnarkosningar 2022

   Mál 2203141 Allur ferill málsins

   Samkvæmt 46.gr. samþykkta um stjórn Fjarðabyggðar og fundarsköp bæjarstjórnar, annast bæjarráð í umboði bæjarstjórnar, gerð kjörskrár, fjallar um athugasemdir við kjörskrár, gerir nauðsynlegar leiðréttingar og afgreiðir ágreiningsmál í samræmi við ákvæði laga um kosningar.

   Bæjarráð felur bæjarstjóra að semja kjörskrá vegna sveitarstjórnakosninga þann 14. maí 2022. Jafnframt veitir bæjarráð bæjarstjóra, fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma fram að kjördegi vegna sveitarstjórnakosninga þann 14. maí 2022. Bæjarstjóri getur ávallt vísað úrskurðum um ágreiningsmál til bæjarráðs.

7. 7. Endurgreiðsluhlutfall vegna réttindasafns Lífeyrissjóðs Neskaupstaðar 2022

   Mál 2204034 Allur ferill málsins

   Framlagt bréf Brúar lífeyrissjóðs þar sem lagt er til að endurgreiðsluhlutfall árið 2022 vegna réttindasafns Lífeyrissjóðs starfsmanna Neskaupstaðar í B-deild Brúar lífeyrissjóðs starfsmanna sveitarfélaga, verði 74% á árinu 2022.

   Bæjarráð samþykkir tillögu lífeyrissjóðsins og vísar til afgreiðslu bæjarstjórnar tillögu um að endurgreiðsluhlutfall á árinu 2022 vegna réttindasafns Lífeyrissjóðs Neskaupstaðar verði 74%.

8. 8. Erindisbréf starfshóps um framtíðarsýn Stríðsárasafns

   Mál 2111093 Allur ferill málsins

   Lagt er til að skipunartími starfshóps um Íslenska stríðsárasafnið á Reyðarfirði verði framlengdur út kjörtímabilið.

   Bæjarráð samþykkir að framlengja skipunartímann fram í miðjan maí.

9. 9. Barnaverndarnefnd 2022

   Mál 2202112 Allur ferill málsins

   Fundargerð barnaverndarnefndar frá 5.apríl lögð fram til kynningar.