Bæjarráð, fundur 726

Þessi fundargerð á öðrum fundum

• 5. október 2021 Bæjarstjórn, fundur 319 liður 1

  Fundargerðir bæjarráðs teknar til umfjöllunar og afgreiðslu saman.

  Til máls tóku: Sigurður Ólafsson, Ragnar Sigurðsson, Jón Björn Hákonarson, Einar Már Sigurðarson, Rúnar Már Gunnarsson.

  Fundargerð bæjarráðs frá 20. september staðfest með 9 atkvæðum.

Dagskrá

1. 1. Útboð vátrygginga Fjarðabyggðar

   Mál 2107049 Allur ferill málsins

   Kynntar niðurstöður úr útboði trygginga Fjarðabyggðar en yfirferð tilboðsgagna stendur yfir og að því loknu verða lokaniðurstöður kynntar.

2. 2. Málefni Sköpunarmiðstöðvarinnar 2020 - 2021

   Mál 2004118 Allur ferill málsins

   Lagður fram til staðfestingar viðaukasamningur við sóknaráætlun Austurlands um lagfæringar á húsnæði Sköpunarmiðstöðvar.

   Bæjarráð staðfestir samninginn og felur bæjarstjóra og fjármálastjóra að leggja fyrir bæjarráð fjármögnun á hlut Fjarðabyggðar.

3. 3. Íbúafundur á Reyðarfirði um grænan orkugarð

   Mál 2109154 Allur ferill málsins

   Kynnt drög að dagskrá vegna íbúafundar á Reyðarfirði um grænan orkugarð, sem haldinn verður í samstarfi við Landsvirkjun. Stefnt er á að halda fund þriðjudag 5. október kl. 20:00

4. 4. Samningur um rekstur Norðfjarðarflugvallar

   Mál 2001185 Allur ferill málsins

   Bæjarstjóri gerði grein fyrir viðæðum sem hann hefur átt við flugmálayfirvöld um uppsetningu aðflugs- og ljósabúnaðs Norðarfjarðarflugvallar en Isavia er að vinna verðkönnun. Stefnt er að því að uppsetningu búnaðar verði lokið vorið 2022.

5. 5. Trjákurl til húshitunar

   Mál 1905004 Allur ferill málsins

   Kynntar hugmyndir Tandrabergs ehf. - Tandra Energy, um uppsetningu á orkuframleiðslu sem tengist fjarvarmaveitu Fjarðabyggðar á Norðfirði. Verkefnið er tilraunaverkefni til eins árs.

   Bæjarráð samþykkir að útfærður verði samningur um verkefnið og felur fjármálastjóra að vinna hann og leggja fyrir bæjarráð. Erindi er jafnframt vísað til kynningar í eigna-, skipulags- og umhverfisnefnd ásamt því að nefndin finni veitustöðinni stað.

6. 6. Upplýsingatækni - endurnýjun samnings um H3

   Mál 2109057 Allur ferill málsins

   Framlagt minnisblað um endurnýjun á þjónustusamningi vegna Mannauðslausna Advania, launakerfisins H3.

   Bæjarráð samþykkir samninginn og felur bæjarstjóra undirritun hans.

7. 7. Málefni brothættra byggða

   Mál 2103191 Allur ferill málsins

   Kynnt staða umsóknar til brothættra byggða og val á fulltrúum í verkefnahóp. Lagt verður til við Byggðastofnun að skipaðir verði fulltrúar Fjarðabyggðar og Sambands sveitarfélaga á Austurlandi fyrir komandi íbúaþing á Stöðvarfirði. Síðan verði fulltrúar íbúa í verkefnahóp skipaðir á íbúaþingi.

   Vísað til áframhaldandi vinnu bæjarstjóra og atvinnu- og þróunarstjóra.

8. 8. Sveitarfélögin og heimsmarkmiðin

   Mál 1901204 Allur ferill málsins

   Framlagt bréf Sambands íslenskra sveitarfélaga um styrk frá Jöfnunarsjóði sveitarfélaga til stuðnings við innleiðingu heimsmarkmiða sveitarfélaga á grundvelli verkfærakistu um heimsmarkmiðin.

   Tekið fyrir á næsta fundi bæjarráðs, bæjarstjóra falið að vinna að málinu.

9. 9. Fjármálaráðstefna sveitarfélaga 2021

   Mál 2109168 Allur ferill málsins

   Fjármálaráðstefna sveitarfélaganna verður haldin 7.- 8.október nk. á Hilton Reykjavík Nordica.

   Fulltrúar Fjarðabyggðar verður bæjarráð ásamt bæjarstjóra og fjármálastjóra.

10. 10. Ársfundur jöfnunarsjóðs sveitarfélaga 2021

    Mál 2109169 Allur ferill málsins

    Ársfundur Jöfnunarsjóðs sveitarfélaga verður haldinn miðvikudaginn 6. október nk. á Hilton Reykjavík Nordica. Fundurinn hefst kl. 16.00.

    Bæjarstjóri mætir fyrir hönd Fjarðabyggðar.