Bæjarráð, fundur 380

Þessi fundargerð á öðrum fundum

• 10. apríl 2014 Bæjarstjórn, fundur 153 liður 4

  Fundargerðir bæjarráðs teknar til umfjöllunar og afgreiðslu saman.

  Fundargerð bæjarráðs frá 7. apríl staðfest með 9 atkvæðum.

Dagskrá

1. 1. Ársreikningur Fjarðabyggðar og stofnana 2013

   Mál 1403085 Allur ferill málsins

   Trúnaðarmál.

   Þennan dagskrárlið sátu fjármálastjóri og endurskoðandi sveitarfélagsins auk Ástu Kristínu Sigurjónsdóttur bæjarfulltrúa.

   Kynnt drög að ársreikningi ásamt endurskoðunarskýrslu.

   Bæjarráð vísar ársreikningi fyrir Fjarðabyggð og stofnanir til fyrri umræðu í bæjarstjórn 10. apríl nk. Ársreikningur verður undirritaður á fundi bæjarráðs fimmtudaginn 10. apríl fyrir bæjarstjórnarfund.

2. 2. Aðalfundur Lánasjóðs sveitarfélaga 2014

   Mál 1402185 Allur ferill málsins

   Fram lögð til kynningar gögn frá aðalfundi sem haldinn var 27. mars s.l.

3. 3. Arðgreiðsla Lánasjóðs sveitarfélaga ohf.vegna 2013

   Mál 1404005 Allur ferill málsins

   Fram lagt til kynningar bréf Lánasjóðs sveitarfélaga um arðgreiðslu vegna ársins 2013.

   Arðgreiðsla til Fjarðabyggðar nemur 10.722.100 kr.

4. 4. Bygging leikskóla á Neseyri

   Mál 1402081 Allur ferill málsins

   Þennan lið dagskrár sat fjármálastjóri.

   Eigna-, skipulags- og umhverfisnefnd vísar til bæjarráðs ákvörðun um hönnun og útboð á nýjum leikskóla í Neskaupstað. Nefndin leggur til að lokið verði við hönnun og boðin út 8 deilda leikskóli í Neskaupstað. Með tillögunni er tryggt að byggður sé leikskóli útfrá núverandi þörf og væntingum um stækkandi samfélag á Norðfirði. Þá er einnig lagt til að P-ark og verkfræðistofan Mannvit vinni áfram að útboðsgögnum og stefnt verði á að bjóða verkið út eins fljótt og kostur er.

   Bæjarráð samþykkir tillögu eigna-, skipulags- og umhverfisnefndar.

5. 5. Hugmyndir um samstarf/sameiningu leik- og grunnskóla á Fáskrúðsfirði og Stöðvarfirði

   Mál 1305028 Allur ferill málsins

   Fram lagt minnisblað fræðslustjóra um samreksturs leik- og grunnskóla á Fáskrúðsfirði undir stjórn skólastjóra Grunnskóla Fáskrúðsfjarðar meðan á leyfi leikskólastjóra stendur.

   Bæjarráð samþykkir tillögu um samrekstur til eins árs.

6. 6. Lausaganga hunda á Eskifirði

   Mál 1404004 Allur ferill málsins

   Fram lagt bréf Kristins J Ragnarssonar um lausagöngu hunda á Eskifirði.

   Bæjarráð telur ólíðandi að hundar gangi lausir í þéttbýli í sveitarfélaginu þrátt fyrir skýr ákvæði samþykktar um að lausaganga hunda sé bönnuðu og vísar málinu til bæjarstjóra til vinnslu.

7. 7. Nýtt starfsmat hlutastarfandi starfsmanna slökkviliðs.

   Mál 1403151 Allur ferill málsins

   Fram lagt minnisblað um hækkanir launa hlutastarfandi starfsmanna slökkviliðs Fjarðabyggðar vegna starfsmats.

   Kostnaður vegna breytinga verður tekin til afgreiðslu samhliða breytingum á kjarasamningum.

8. 8. Sveitarstjórnakosningar 2014

   Mál 1403134 Allur ferill málsins

   Fram lagt minnisblað vegna skipunar í kjörstjórnir í tengslum við sveitarstjórnarkosninga laugardaginn 31.maí 2014 og ákvörðun um kjörstaði og opnunartíma þeirra.

   Bæjarráð samþykkir að kjörstaðir í Fjarðabyggð vegna sveitarstjórnakosningar 2014 verði.

   Grunnskóli Stöðvarfjarðar á Stöðvarfirði

   Grunnskóli Fáskrúðsfjarðar á Fáskrúðsfirði

   Safnaðarheimili Reyðarfjarðarkirkju á Reyðarfirði

   Kirkju- og menningarmiðstöðin á Eskifirði

   Nesskóli á Norðfirði

   Sólbrekka í Mjóafirði.

   Kjörstaðir opna kl 09:00 og loka 22:00 nema í Mjóafirði þar sem kjörstaður er opnaður kl. 09:00 og hann lokar strax og lagaskilyrði verða til, í síðasta lagi kl. 17:00.

   Bæjarráð vísar tilnefningu í undirkjörstjórnir til afgreiðslu næsta bæjarstjórnarfundar.

9. 9. Yfirlit yfir mál Fjarðabyggðar hjá lögmanni

   Mál 1404011 Allur ferill málsins

   Fram lögð greinargerð frá Sókn lögmannsstofu um stöðu mála sem stofan er að vinna að fyrir Fjarðabyggð.

10. 10. Bókun frá ferða- og menningarmálanefnd Seyðisfjarðarkaupstað um ferjusiglingar.

    Mál 1311180 Allur ferill málsins

    Fram lögð bókun frá ferða- og menningarmálanefnd Seyðisfjarðarkaupstaðar vegna ferjusiglinga Norrænu og samþykkt hafnarstjórnar Fjarðabyggðar um að málið.

    Bæjarráð vísar til bókunar sinnar vegna málsins sem m.a. hefur verið birt á heimasíðu sveitarfélagsins.

11. 11. Knattspyrnufélag Fjarðabyggðar

    Mál 1404018 Allur ferill málsins

    Fram lagt bréf frá Knattspyrnufélagi Fjarðabyggðar um framlög sveitarfélagsins til félagsins vegna vallarumsjónar og annarra þátta.

    Bæjarstjóra falið að taka saman gögn um málið og leggja fyrir bæjarráð.

12. 12. 335.mál til umsagnar tillögu til þingsályktunar um mótun stefnu til að draga úr skaðlegum afleiðingum vímuefnaneyslu

    Mál 1404017 Allur ferill málsins

    Fram lögð tillaga til þingsályktunar um mótun stefnu til að draga úr skaðlegum afleiðingum vímuefnaneyslu.

    Vísað til félagsmálanefndar.

13. 13. Fundargerðir stjórnar SSA 2014

    Mál 1402146 Allur ferill málsins

    Fram lögð fundargerð stjórnar Sambands sveitarfélaga á Austurlandi frá 25. mars s.l.

14. 14. Fræðslu- og frístundanefnd - 51

    Fundargerðin í heild

    Fundargerð fræðslu- og frístundanefndar frá 1. apríl lögð fram til kynningar.

15. 15. Eigna- skipulags- og umhverfisnefnd - 90

    Fundargerðin í heild

    Fundargerð eigna-, skipulags- og umhverfisnefndar frá 3. apríl lögð fram til kynningar.