Bæjarráð, fundur 323

Þessi fundargerð á öðrum fundum

• 7. febrúar 2013 Bæjarstjórn, fundur 127 liður 1

  Fundargerðir bæjarráðs teknar til umfjöllunar og afgreiðslu saman.

  Til máls tóku: Jens Garðar Helgason, Valdimar O Hermannsson, Páll Björgvin Guðmundsson, Elvar Jónsson, Esther Ösp Gunnarsdóttir, Jón Björn Hákonarson.

  Fundargerð bæjarráðs nr. 323 frá 21. janúar staðfest með 9 atkvæðum

Dagskrá

1. 1. Fjárheimildir í fjárhagsáætlun 2013 - Bæjarráð

   Mál 1208101 Allur ferill málsins

   Fram haldið umræðu um upplýsingatæknimál Fjarðabyggðar. Fram lagt minnisblað merkt trúnaðarmál um stöðu viðræðna.

   Bæjarráð samþykkir að fela bæjarritara að vinna að málinu á grundvelli minnisblaðsins.

2. 2. Vefur Fjarðabyggð - endurnýjun

   Mál 1211078 Allur ferill málsins

   Fram lögð gögn vegna endurnýjunar á vef Fjarðabyggðar ásamt minnisblaði bæjarritara.

   Bæjarráð felur bæjarritara að ganga frá samningi við Skapalón á grundvelli minnisblaðs og hefja vinnu við endurnýjun á vef Fjarðabyggðar til samræmis við minnisblað og gögn sem fram lögð eru á fundinum.

3. 3. Fundagerðir Náttúrustofu Austurlands 2013

   Mál 1301220 Allur ferill málsins

   Fram lagðar til kynningar 2 fundargerðir stjórnar Náttúrustofu Austurlands frá 22. ágúst og 4 janúar.

   Vísað til eigna-, skipulags- og umhverfisnefndar til kynningar.

4. 4. Fundargerðir stjórnar SSA - 2013

   Mál 1301160 Allur ferill málsins

   Fram lögð til kynningar fundargerð stjórnar Sambands sveitarfélaga Austurlandi frá 8. janúar.

5. 5. Landsþing 2013 - fulltrúar

   Mál 1301168 Allur ferill málsins

   Tilnefning fulltrúa á landsþing sveitarfélaga 15. mars n.k.

   Bæjarráð samþykkir að fulltrúar á landsþing sveitarfélaga verði þeir sömu, bæjarfulltrúarnir Elvar Jónsson, Jón Björn Hákonarson og Jens Garðar Helgason. Til vara Valdimar O Hermannsson, Guðmundur Þorgrímsson og Eydís Ásbjörnsdóttir.

6. 6. Náttúruvernd(heildarlög)til umsagnar

   Mál 1301219 Allur ferill málsins

   Til umsagnar frá Alþingi frumvarp til laga um náttúruvernd.

   Vísað til eigna-, skipulags- og umhverfisnefndar.

7. 7. Sjókvíaeldi í Reyðarfirði

   Mál 1103025 Allur ferill málsins

   Fram lagt bréf Skipulagsstofnunar ásamt greinargerð vegna 10.000 tonna sjókvíaeldis í Reyðarfirði.

   Vísað til vinnslu í hafnarstjórn, eigna-, skipulags- og umhverfisnefnd og til kynningar í atvinnu- og menningarnefnd.

8. 8. Fjarðabyggðarhöll

   Mál 2008-09-11-1450 Allur ferill málsins

   Fram lögð drög að bréfi til Reita ehf um Fjarðabyggðarhöllina á Reyðarfirði.

   Bæjarráð samþykkir að erindið verði sent Reitum ehf.